身為Foodie, 喺香港搵食無問題，但去到其他地方點算好？ 1, 我就先係instagram search #北京美食 先mark低餐廳名，再問下去過嘅朋友就可以啦！ 2, 用大眾點評(等於內地openrice，及景點資訊）睇定餐廳位置或有冇分店，方便當日嘅行程 3, Plan行程唔洗急，去旅行之前先下載大眾點評，離線地圖，北京地鐵app 就可以啦 多數餐廳開放時間都好長，大約11:00 - 23:00，所以都幾方便，如果人多亦可以訂枱 壹 - 四合院內任點任食火鍋及品茶 餐廳：麗江庭院之愛在路 第一間介紹嘅餐廳係喺四合院裏面嘅火鍋店 ，門面沒有大門牌，環境零靜特別，可以先選擇吃火鍋先定係品茶先，然後店員就會安排，分為兩種個收費 ，我揀咗比較平嘅 $135/位，先黎一份併盤，有各種丸類、海鮮、羊肉等。湯底有雞湯或雜菌湯，可以先飲幾啖湯再打邊爐，而醬料有辣椒乾同花生。每人一鍋，食完之後再飲啖茶成個人放鬆晒。 地址：西单 大酱坊胡同7号 分店：麗江庭院之午後陽光(朝內店)，麗江庭院之柔軟時光(鼓樓店) 交通：地鐵4號線 靈境胡同站 就近景點：故宮、頤和園、圓明園 點擊圖片放大 +3 貳 - 街邊宵夜一蚊串 係屋企附近嘅路邊檔，夜晚嘅時候係地鐵站行返屋企，都會經過有一兩間車仔檔，最多人食嗰間應該就最好食啦，一個檔口可以坐十個人左右，食完就起身埋單，俾下一位坐，好多人㗎！應該只係得麻辣湯底，都唔算好辣，食物有好多款式，唔夠飽仲有薯粉公仔麵，咁地道一定要試吓啦。 點擊圖片放大 叄 - 民初街中的大排檔 餐廳：南京大牌檔 餐廳裝修得好似古代嘅街道市集咁，有唔同嘅商舖銀號等，餐牌都做到好似當時嘅報章，店員都着得好懷舊，入門口嘅時候仲大大聲講歡迎我哋，完全估唔到係喺一間商場裏面嘅鋪頭，而每樣食物都做得唔錯，只怪我哋細食，試唔到多啲款式。特別推介鴨湯小籠包同蟹黃小籠包，肉汁超豐富呢。 地址：王府井/东单 王府井大街88号王府井in88，6樓 分店：北京內還有十間分店，我哋去嘅呢間較近王府井 交通：地鐵5號線 燈市口站 就近景點：之後再行到王府井 肆 - 街頭小食 成日話去王府井度食蠍子，又要食好多串冰糖葫蘆，畫出來的糖畫同吹氣公仔糖都要試啊，仲有啲新興嘅鵪鶉蛋串，原隻乳鴿等，夠膽就試啦 :P 交通：地鐵5號線 燈市口站 或 1號線 王府井 就近景點：係王府井食完小食，再搭的士去南鑼鼓巷嘅餐廳cafe坐下，車費大約30蚊以下 點擊圖片放大 +3 伍 - 羊蠍子？真係有蠍子？ 喺街上面你都會成日見到大大個招牌寫住羊蠍子，唔駛怕原來係裏面有唔同嘅內臟羊肉湯，百分百人蠍子，飲完成個身都暖晒，係好多鋪頭都有，食內臟嘅朋友可以一試，特別天氣凍嗰陣真係好好味。 陸 - 要保留的味道 餐廳：羲和雅居 一間係四合院對面嘅餐廳，入坐嘅時候店員問我地有冇book枱，原來佢只剩返幾張枱比walk in嘅客人，裏面嘅設計好有古典味道，先點一隻烤鴨，即叫即做，所以要等45分鐘，期間食住頭盤先，樣樣都唔錯。主角片皮鴨，佢會分三隻細碟送上，第一碟係外皮，建議點砂糖食，有入口即溶嘅感覺，我認為佢最特別嘅係皮同肉之間個層脂肪，廚師都將佢燒到好通透，好似炸過咁，唔會有一層嘅肥膏感覺，而且好甘香，又可以用蔬菜去緩和一下濃郁嘅味道。 地址：朝外大街 朝阳门外日坛北路日坛公园东北角 交通：地鐵1號線 永安里 就近景點：世貿天際，一個有超大天幕嘅商場，又名「全北京向上看」，長250米，懸掛係街道嘅上空，係亞洲最大嘅一塊液晶顯示屏，係世界上僅次於位於美國拉斯維加斯嘅一塊液晶顯示屏。 點擊圖片放大 +2 柒 - 宮廷火鍋 餐廳：羊大爺涮肉 店內的結算方法很特別，湯底、配料、飲品所有野都用籌碼嚟計算，好好玩。個鍋用嘅係景泰藍火鍋，外表精緻，當地人食火鍋都會配麻醬，佢哋就係麻醬上面寫咗個羊字，幾有心思，而羊肉分為好多唔同嘅部位，亦有手切新鮮羊肉，上菜時候羊肉仲黐住個木板嘅先正宗。 地址：亮马桥/三元桥 麦子店西街39号 交通：地鐵10號線 亮馬橋站C出口 點擊圖片放大 +3 捌 - 酸奶 好多餐廳都有得食，或者喺超級市場買都可以。 係內陸地方，佢哋習慣食酸奶，增加腸臟蠕動，食麻辣食物時又可以解辣，多數都配砂糖提子乾嚟食，每間店都唔一樣，每款都好吸引！大約8蚊左右，我每日起碼食兩三個！哈哈。 點擊圖片放大 +2 玖 - 地道炭爐火鍋 餐廳：阳坊大都涮肉 因為有一日病咗，冇去參觀景點，只係住宿附近搵嘢食，估唔到食到真正炭爐火鍋，就係送上時已經加入燒緊嘅炭，下面就唔使加火，就keep住水滾，我哋仲奇怪點解台上面有盆水，原來可以令炭爐燃燒岀嚟嘅炭灰唔會飛散，可以比水吸住。 地址： 劲松/潘家园 松榆西里29号1楼 點擊圖片放大 +2 攝影器材：Sony R7II 多謝支持! 有更多相片分享可以到我嘅專頁 Mohkc’s :) Instagram / Facebook page/ Openrice/ ublog/ Pinterest/ 大眾點評/ 微博: mohkc 頭上插著筷子, 到處吃 mohkc.blogspot.hk
