對於影食物相，相信每個人都有千萬種手法。只為令食物睇落更豐富更吸引, 唔好話只係用黎呃like, 自己睇返都會流哂口水，回味無窮啦！今次再分享多5個小技巧, 等大家隨時都影到靚相!! 一、夾起、切開、再close up 一份美食黎到，除咗外形好睇，其實仲可以夾起再影、有餡嘅切開佢影、流心嘅又點可以唔影... 無論份食物點簡單都可以影得好啦！可能比起淨影外觀更加好睇。 點擊圖片放大 二、反光 係日光底下影相自然得心應手，另外只要加反光板係暗位打走影，靚相簡單一take過。 我平時用: 白紙, 膠枱墊(類似白色底面就得, 一物兩用!) 三、用人 (1)用手拎住食物，然後用其他人做背景，都可塑造一個故事感，令相片無咁單調。(2)可以企係朋友嘅後面少少, 由對方背面影過去, 朋友隻手拎住餐具，望向食物就可以，咁就多啲動感啦! 我平時用: 一齊食飯嘅人 哈哈 四、配飾 將身上嘅飾物或一啲物品放係食物附近, 可以懶有生活態度，同時又可以做foodie嘅OOTD！ 我平時用: 耳環, 手錶, 筆記薄等等 五、連管性 正所謂飲杯茶, 食個包, 放啲同食物有關連嘅物品係側邊都好好㗎，張相就會更好睇！ 我平時用: 啱用就用啦 多謝支持! 有更多相片分享可以到我嘅專頁 Mohkc's :) Openrice/ UBlog/ Instagram / Facebook page: mohkc 頭上插著筷子, 到處吃 mohkc.blogspot.hk
