擁有第一部數碼相機, 就鐘意影食物, 開始個陣只係為咗記錄, 拎起相機就影, 角度單調, 慢慢練習嘗試, 依家分享幾個小技巧, 大家一齊影靚相! *水平角度 特別影立體嘅食物時可以用到, 例如漢堡包, 一坐山咁高嘅炸雞, 可以睇到裏面嘅層次, 又有3D感！ *善用身邊物品 屋企無咁多道具? 唔緊要! 可以用頸巾, 窗簾或者直接喺地下影都可以, 乾淨就得! 效果更加與眾不同 我平時用: Anything 頸巾 床蓆 *營造故事感 放餐具係碗碟旁邊, 俾人一種準備食嘅感覺, 睇到都流口水啦!! 我平時用: 符合食物主題嘅餐具 *幫手 一啲都唔難, 出隻手就可以, 會影到第一身嘅景像, 扮拎食物飲品就得 我平時用: 男朋友 (最聽話)，屋企人(有耐性, 都知我麻煩, 非常配合, 因為係佢哋生嘅 嘿嘿) *前蒙後清 成日聽到朋友鐘意影到好Blur好蒙, 係屋企影, 怕影到雜物, 其實換個位, 前面放一啲物品, 後面先係主題, 前蒙後清, 即使空間細都影到啦! 我平時用: 花、杯等等等等 待續... 多謝支持! 有更多相片分享可以到我嘅專頁 Mohkc's :) Openrice/ UBlog/ Instagram / Facebook page: mohkc 頭上插著筷子, 到處吃 mohkc.blogspot.hk
