亞格拉堡 亞格拉堡建於1565年，主要功能係防禦敵人入侵，有護城河圍繞著。因為亞格拉堡由紅沙石建成，又叫紅堡，後來成為皇室住所，沙賈汗曾希望以黑色雲石建造一座同泰姬陵一模一樣嘅陵墓俾自己，但花霍無道，俾佢兒子禁錮係亞格拉堡入面， 只可靠城堡入面嘅寶石反射，先可以見到愛妻嘅墓穴，足足七年後鬱鬱而終。 感受凄美嘅故事，比單單參觀景點會有更深嘅體會。 望向泰姫瑪哈陵 降溫設計 城堡中都會有流水降溫裝置，牆壁中會預留空間，空間入面會灌水，而水就會係通道流動，環繞整座城堡嘅房間同庭院，中途水流會流經呢類井口，係一個好特別嘅設計。 因為皇室成員唔可以隨便走去平民百姓嘅城度，所以城堡會定時舉辦市集，而商人就會借呢個機會賣貨品俾啲貴族。 一路行一路睇，會行過沙賈汗父親、沙賈汗同沙賈汗兒子三代嘅房間，他們嘅房間分別用紅沙石、純大理石同大理石配寶石做主題，手工越來越精湛繁複，第三代間房仲有個小型噴泉！ 呢嗰地方係當時比平民百姓同皇帝討論國家生活嘅事情，影相時試下加人當地人嘅動態，令相片多一份故事感。 景點名稱: 亞格拉堡 地區: 亞格拉 參觀時間: 1.5 小時 參觀費用: $20 美元 附近景點: 泰姫瑪哈陵 － － － － － － － － － － － － － － －－ － 泰姫瑪哈陵 泰姫陵為七大奇蹟之一，是蒙兀兒王朝第五代君主沙賈汗， 同皇后慕搭芝瑪哈結婚19年，當她係第14次產子個時不幸離世，臨終前要求皇上許下承諾，其中一項就係為她建造一座美麗陵墓，俾所有人知道皇上對佢嘅愛意。泰姫陵用大理石，當時耗資五百萬盧比，用咗22年先起完，其後沙賈汗王同皇后葬於地下土窖。 經過安檢，我地見到拱門中間黑色部分代表黑暗，前方會見到泰姬陵嘅白色，象徵着天堂，我們從黑暗中走過，這就是天堂的入口。 進入時，唔可以攜帶大型行李，背囊都唔好咩咁大個！單反大相機要袋落袋過安全檢查，隨身叉電器、攻擊性武器、甚至水都唔帶得架!! 參觀任何陵墓，都唔可以著鞋入去，怕整污穢，著襪或用膠袋套住對鞋，咁就方便得啦。 我見情景就係咁多人，印度男士係比港女更鐘意自拍，景點前都有chok爆嘅model，識影就一定係中間、拉直線、景過去，唔可以有人阻住，但總會有人喺隔離叫one minute, just one minute..叫你借歪，想影嘅團友要加油啊！ 景點名稱: 泰姫瑪哈陵 地區: 亞格拉 交通時間: 1.5 小時 參觀費用: $8 美元 附近景點: 亞格拉堡 －－－－－－－－－－－－－－－－－－－－－ 還在更新，下回見 :)
