跳"鄭多燕"已接近2年, 成效顯著得令自己也側目 :-o 今次有幸獲得U Blog之邀請, 參加是次"韓式瘦身操"~ 一展自己所長 =D 活動係九龍灣德福花園的德藝會舉行, 因為只招待會員, 所以之前一直都未黎過~ 入到去先知原來衣度有catering, 仲可以擺酒!! 真係唔入黎都唔知~ 入到去登記完後被安排進入vip房填簡短的個人資料form~ 等咗一陣子, 德藝會職員派埋locker key後就帶我哋去更衣室換衫了~ 更衣室尚算寬敞~ 空氣流通算唔錯唷, 至少唔會充滿蒸氣連伸手都不見五指, 哈! 題外話* 原來依度都有高溫瑜伽的! 下次有機會可一試~ 經過gym room, 終於黎到冷氣好大的練習室~ 平時自己習慣唔開冷氣跳, 感覺流多d汗舒服d~ 相信一陣跳熱咗就無咁凍掛~ =D 今日嘅導師已經係度較定音嚮等我哋熱身 ^o^ 拉好筋後就開始了~ 因為一開始就無得停嘅關係, 中途無機會影相 ~_~ 經過總共60分鐘嘅"劇烈運動"後, 果然已經唔覺得練習室凍~ 反而啲汗水好似倒水一樣!!! 8-O 發覺有啲動作同平時做的唔同, 尤其無咗可以俾自己透透氣的bridging (條腰打8字)~ 完結後導師同我地分享做唔同動作嘅心得~ 其實好多動作都同平時做開的鄭多燕一樣, 但有啲彎腰, 腿張開個d就真係難到我 >_< 第二朝起身返工下半身都痛痛地~ 下次真係要熱晒身拉好啲筋先好開始!!~ 臨走時現場仲有衣d免費健康飲品攞~ 淡淡的椰子味水~ 好貼心唷! 出身汗後成個人都醒神晒~~~ 感謝是次U Blog的邀請~ 各位OL們都要做多啲運動啊!!!!!
