餐廳位於銅鑼灣Tower535，為新進駐嘅日式和洋料理餐廳，我完全係被餐廳嘅甜品menu所吸引而一試😍餐廳裝潢簡約，以原木為主調，中間為開放式廚房，細心留意，餐廳其實亦用上不少小心機裝飾，使餐廳不會太單調。 Lunch Set (+HKD28 包餐湯及咖啡飲品)🍴磨菇忌廉湯普通，蘑菇較少，忌廉味重🍴Ufufu 炸雞芝士蕃茄烏冬 HKD98炸雞大大件好香脆🍗芝士蕃茄湯同烏冬呢個配搭亦好好味🍲 🍴Ufufu 炸雞蛋包飯 HKD118原來朋友亦選了炸雞😆咖喱汁香甜不辛口，香料味濃，炒蛋香滑濕潤，飯底用咗茄汁炒，酸甜甜好好味。蛋包飯另一特色係配有四款配料增加咖喱嘅口感層次，分別有炸蒜，椰絲，福神瀆同提子乾。 🍴咖啡芝士忌廉芭菲 HKD88嘩🌟🌟🌟主角登場了，就係被呢道甜品吸引入嚟試食 🤩咖啡控必試嘅Tiramisu Parfait👍🏻芭菲底層係咖啡啫喱同餅碎，中間係雲尼拿雪糕🍨頂層係Tiramisu。芭菲會跟一小杯Espresso ，倒入雪糕，即刻變咗Affogato ，雙重味蕾嘅享受😎 🍴香橙朱古力芭菲 HKD88芭菲頂層為香滑雲尼拿軟雪糕，旁邊圍住滿滿朱古力粉嘅忌廉，杯入面有朱古力mousse，朱古力脆脆，brownies，香橙片，配以一小杯朱古力漿，可跟據個人口味加減。 🍴Hot Mocha (+HKD10)朱古力味較重嘅 Mocha🍫啱我口味😋 餐廳主食同甜品都高質，價錢相宜，甜品款式多，賣相更為精緻，每一杯都係用心製作🩷一次過試唔晒咁多款甜品，一定會再次光顧。IG mochaholic.w#年輕肌gotcha #UCreator #打卡美食 #chill #甜品控
