TeaWG一向以售賣高級茶葉同茶具聞名，近年更做埋外賣茶🥤TeaWG茶葉高質且款式繁多，更設有專業茶師。今次試埋餐廳嘅食物質素，一入餐廳係賣茶葉同茶具嘅區域，七彩繽紛如同一個茶藝術館，經過一幅吸精嘅粉色玫瑰牆就係餐飲區域，餐廳裝潢金碧輝煌帶貴族感👑牆身有七彩繽紛嘅茶葉罐同經典黃色嘅茶葉罐作粉飾，好華麗✨點擊圖片放大 Dinner set HKD498 四道菜連餐飲🍹🍴餐包玄米茶飯素牛油配鬆軟嘅金提子包，好清香清新嘅配搭，真係好好味😋 🍴餐湯🍴前菜🍽️越南米紙虎蝦卷伴什菜沙津虎蝦肉爽口彈牙🍤配紫蘇醬汁酸酸的，好醒胃，頂頭加入金箔提升高貴感👑 🍴主菜🍽️古列金鯧魚伴小椰菜，迷你金荀，青豆及薯仔金鯧魚炸得香脆🐟魚肉有點乾身。芫荽青咖喱醬汁伴入TeaWG特調嘅魔幻時刻之茶，中和芫荽嘅濃烈味並帶微微清香。 🍽️和牛牛面頰伴御選普洱紅酒醬汁 (+HKD50)和牛面頰大大舊，份量不少，煮得烚到好處，唔會太腍身，配搭不敗嘅紅酒汁再伴入TeaWG 特選普洱，食落去茶味唔算明顯但可以聞到陣陣嘅普洱茶香。 🍽️龍蝦扁意粉伴奶韻烏龍龍蝦濃汁 (+HKD70)龍蝦肉大大粒🦞好厚肉，不過有少少overcook。意粉好彈牙掛汁，吸盡濃濃嘅龍蝦汁伴入烏龍茶，整條面條都染上茶色，烏龍茶味非常突出，入到口腔仍可感受到一股清香餘韻。 🍴手工茶香蛋糕🍽️朱古力Tart🍽️芒果mousse cake🍽️Singapore surprise➡️店員推介嘅蛋糕，最上面係焦糖面，入面係士多啤梨加吉士。 蛋糕味道不過不失，Singapore Surprise 有點過甜。🍴餐茶🍵緋紅山丘之茶綠茶同野生漿果結合，帶玫瑰味🍹仲夏夜之茶紅茶混入麥芽巧克力同辛辣嘅薄荷調配，個人好喜歡呢款冰茶🥰 整體來講，HKD498包四道菜連高質茶飲，坊間以茗茶入饌嘅菜式亦少有，可算勝價比。IG mochaholic.w#teawg #以茶入饌 #打卡相我攞獎 #香氣四溢 #UCreator
