疫情後第一飛✈️仲要帶埋啊囡飛👧🏻少不免要去親子餐廳。「星之卡比」主題咖啡店為於博多運河城商場，距離博多車站約10-15分鐘🚉點擊圖片放大 餐廳門口有一大型人氣遊戲角色「星之卡比」嘅擺設，小朋友見到超興奮😚一入餐廳就係主題餐廳打卡位置，店員會先邀請客人打卡再帶位。入到餐廳，中間設有另一遊氣角色😆風語大樹🌳，啊囡見到超開心。 🍴大樹盛宴餐 (含稅2948Yen)盛宴餐入面雞肉配蘋果薑汁卷，薑黃米星星飯🌟薑味唔算好出，所以小朋友唔會好抗拒。另外配菜有⭐️星星玉子沙律方塊同薯餅。大樹入面仲放滿沙律菜🥗公仔擺設可選卡比或者瓦豆魯迪，小朋友食完可以攞起公仔留念。 🍴卡比漢堡配肉醬蔬菜意粉🍝(含稅3278Yen)粉紅色嘅卡比漢寶非常可愛吸精，食完會送門口打卡嗰隻印有星之卡比主題嘅碟俾客人作紀念😁 🍴卡比Half & Half 烤薄餅 (含稅4378Yen)選擇咗Margarita 同海鮮兩款味道嘅薄餅，薄餅底入口煙韌，海鮮主要為蝦🦐同魷魚🦑，好味😋食完同樣會送一隻全新薄餅🍕碟俾客人作留念。 基本上每款食物賣相可愛吸精，食物質素還可，小朋友一定食得開心🥳差不多每款食物都有禮品贈送🎁可算又食又拎😆此外，一入餐廳旁邊設有周邊商店，販賣「星之卡比咖啡店」限定的周邊商品，所以也能購買原創商品👍🏻IG: mochaholic.w#日本親子餐廳 #旅行美食 #福岡景點 #ulifestyleblogger
