泰國菜係亞洲菜入面玩法較多嘅菜式,今日試咗一間新派泰菜,感覺唔錯,食物飲品種類繁多,且花盡心思❤️一次食唔哂咁多款式。餐廳位於中環街市接駁蘇豪嘅扶手電梯旁,地點方便。餐廳裝潢富東南亞色彩,最入有一大落地玻璃同一排梳化凳,直望中環往soho電梯,提早預約可以同朋友坐得舒服咁chill住食💫l 🍴虎蝦海鮮混亂杯麵 HKD128 杯麵也可以食得不一樣,連”杯”上枱😆 打卡必點之選👍🏻海鮮非常足料,有大大隻青口,魷魚同爽口彈牙嘅虎蝦,麵條炒得濕潤掛汁,微辣香口。🍴香茅豬扒冬蔭公泡飯 HKD98 個人特別喜歡冬蔭公酸酸辣辣嘅味道,特別醒胃,大啖入口都唔怕辣,且帶香甜椰汁味,略為有點咸,可唧少少青檸汁中和一下,味道會有所提升,豬扒亦炸得香口惹味。🍴酥炸蛋黃醬軟殼蟹配燒菠蘿 HKD128 邪惡之選,炸軟殼蟹本身已好香口,加入蛋黃醬更加惹味食唔停,不過蛋黃醬本身好膩,儘管配酸酸甜甜嘅菠蘿,都好快飽肚。🍴朱古力咖啡 HKD44 Mocha控必點,一上枱已被杯上嘅牌引得發笑,I’m not fat,邊飲邊自我安慰😆頂頭有厚厚嘅cream,朱古力味較出🍫怕咖啡苦澀味嘅朋友可一試。🍴泰式奶茶HKD44 奶茶滑溜,泰色茶味香濃,超冰凍口感配炎熱天氣一流 🧊食物質素高,飲品有特色,可見餐廳用心製作,不淨只賣相味道亦很不錯,絕對會二次光顧。IG Mochaholic.w