一日裏面試咗兩間Cafe,兩間都有驚喜 (有興趣可睇返上一個post),肚皮滿足的一天😋 Cafe 位於中環H code地下,細細間座位較少,裝潢雖簡單,卻有一股日本風。食物方面,點了一個All Day Breakfast,其餘都係甜點😆。 輕盈全日早餐(HKD88)All Day Breakfast 除咗炒蛋,沙律菜,雜菇外,仲有大大塊雞扒同蕃薯,蕃薯令整個早餐增添日本風,食完已經半肚。 原味鬆餅 (HKD55)好傳統嘅日式班戟,睇落雖薄但食落好厚實,略嫌偏甜。 咖啡布甸 (追加HKD38)必食之選👍🏻賣相亦一絕,絕對係視覺加味覺享受,咖啡味道濃厚,建議配埋忌廉一齊食,可提升整體味道。 咖啡黑糖芝士蛋糕 (追加 HKD42)外邊鮮有嘅味道,身為咖啡控一定要試埋,蛋糕加入黑糖啫喱增加咗蛋糕嘅層次,使味道唔會咁單一。整體嚟講,食物唔錯,價錢亦好大眾化,絕對勝價比👍🏻