點心款式特別,值得一試👍🏻多年前試過尖沙咀國金軒午市,籍著農曆年假就同家人去咗中環國金軒,食物質素依舊有水準。中環分店景觀一流,遠望摩天輪。店內環境上則尖沙咀分店略勝一籌。午市點心選擇繁多且款式特別,除咗點心,亦有小菜及炒粉麵飯,今次我哋主攻點心😋💪🏻蒜泥白肉黑豚肉卷 (HKD128)黑豚肉片沾上惹味嘅辣汁配以清新嘅青瓜,作為開胃小菜一流,唯不夠辣。 河塘金魚餃 (HKD46)金魚餃為蒸雜菜雜菇粒,味道清甜,外皮口感煙韌,手工精緻,夠晒 IG-able。 花開富貴石榴菓 (HKD90)新年菜式,用薄薄嘅腐竹皮包着蟹肉碎,蠔豉同雞肉碎,餡料豐富,食落鮮甜。 雪山叉燒包 (HKD60)不甜不膩,唯菠蘿較叉燒多,掩蓋了叉燒嘅味道。 魚湯浸澳洲有機菠菜浸牛丸(HKD60)一向食開嘅傳統牛肉球都係配腐竹喼汁,呢個菠菜浸牛丸相當有驚喜,牛丸爽滑彈牙,魚湯鮮甜味濃。 帶子菜苗餃 (HKD60)荀尖鮮蝦餃 (HKD75)咖啡凍糕 (HKD60) 整體來講,食物有質素,雖然只叫點心,但食完非常飽肚,性價比高,讚👍🏻