窮Ｌ學人去旅行 都離唔開搭下廉航架啦 最常搭既咪hkexpress囉 無它既 成日有優惠 唔係唔搶呀ma? 比你搶到$22真係 早機去晚機番玩一日都抵 好多人成日話廉航乜乜乜 首先 唔好講一分價錢一分貨呢樣野 因為我覺得平既野都可以提供質素比人 貴既野又唔代表有質素 以一間航空公司黎講 Hk express 又未到想像中咁差 好多時都懷疑其實好多打手去唱衰佢 到佢出平機票既時候就少d人去搶（疑心重） Hkexpress 我都搭得多啦 今日上機時 有搭過廉航既都知hk express 多數都係 500幾號果邊d閘口上 通常d靚位 廿幾三十幾果d都係CX果d登機架啦 咁去500幾號果d閘口一係就搭接駁車去北衛星 一係就搭接駁車直接上機 今日班機就係後者啦 係架車上面既時候 我背後有個港姐（港女呀姐） 簡稱港姐同佢唔知老公定男朋友 係車上見到架機就勁大聲咁講 「嘩，真係好肉酸呀！要咁樣行上機？曬都曬死人啦！（又黎）真係好肉酸呀！好似60年代咁既，而家仲有咁樣登機架咩！」下刪一百次好肉酸 佢另一半就好似食左泥咁聲 暗暗尋尋咁話廉航係咁架 上次咪試過乜乜乜 港姐就一個失憶咁既樣：「有咩 幾時呀？我比左幾千蚊架 咩廉航呀」 呀姐 你咁講只係令人覺得你見識少咋 好多內陸機都係咁上機啦 可以ff下自己搭緊私人飛機仲好啦 你行果幾步路曬得幾多呀？ 會唔會一秒由Michael jackson變到古天樂咁黑呀？（我咁怕曬都唔幫你啦） 又係一個典型覺得自己比左錢就係爺既心態既香港人 因此決定幫廉航平反一下 通常去旅行搭廉航d人就一定會問你以下幾個問題： 第1：下 你搭hk express 成日 delay架wor 其實delay就唔一定關airline事既 雖然我搭過hkexpresss都有試過delay問題 但都係好少 可能10-15分鐘咁 你平時等d例牌遲到既fd都唔止等15分鐘啦 利申：之前搭過CX試過delay成個鐘都有啦 又試過番到hk件行李delay成個鐘啦 更搞笑既係有時打風紅雨黑雨咁既情況 你搭私人飛機都唔知起唔起飛到啦 呢個係安全問題 佢唔delay照比你上機先應該驚啦 所以delay唔delay唔一定關廉航事 第2： 下 hk express 危唔危險架？ 以我所知 hk express 係冇發生過任何航空意外（touch wood) 你有咩理據話hk express 危險呢？ 咁講既話其實我覺得過馬路仲危險 馬路如虎口嘛 一日仲要過咁多次真係搵命博 如果話搭廉航危險 我覺得你直情唔應該搭飛機 呀唔係 係唔應該出街同埋出生 第3：冇水飲 咁你就錯啦 廉航唔係冇水飲 你只需要比$20就有一支水啦 比夠$60仲食到個雞扒飯tim 平時係商場食個飯都唔止$60啦 不過人類就係咁 覺得飛機餐應該係包埋 但係係呢個自由開放既市場 你有需要咪叫囉 唔係人人都需要 有d包埋既飛機餐真係難食到食唔落 我情願比$25食合味道杯麵好過 第4：架機好細 d位好迫 首先架機好細就唔關我事既 我只在乎個位窄唔窄 有冇位伸腳 我覺得hk express d位同一般airline 既位差唔多 唔會窄到伸都伸唔到隻腳哦 你有錢仲可以加多幾十蚊將你個位升級 你想伸直對腳做一字馬都仲得（誇張） 第5：冇電視睇 呢樣我就幫唔落啦 如果近近地去台灣都ok 因為一套戲都未睇完就要落機 但搭遠d既機 係真係有d悶 訓唔著既時候唯有好似我而家咁 打文消磨下時間 或者自拍下 或者同身邊既人傾下計 如果你真係唔睇戲唔得既 咁就自己醒d前一晚down定d韓劇上機睇啦 雖然我都試過搭hkexpress or 買左佢地機票之後有唔好既經歷 但係見到d人係咁鬧 我覺得大家要理智d 應鬧才鬧 唔好咩都亂咁鬧 講咁多其實我真係唔係打手不過如果hk express 睇到肯送番張機票比我又唔錯既ＬＯＬ
