之前有朋友話我好日都唔出城~ 係因為元朗已經有太多好野食~ 跟本唔需要出城LOL 經過見到交通廣場隔離開左間細細間既雪糕店~ 最吸引我既就係佢招牌上面既藍色雪糕呀~ 原來唔止旺角某人氣雪糕店同埋某藍色的連鎖店有呀~ 元間小店都有啦~仲要有曲奇夾藍色雪糕~ 又唔洗去旺角試大隻仔果間啦~Yeah~所以話元朗真係一塊福地呀~ 仲要價錢唔係好貴~不過小店就冇位坐~只可以拎走食啦~ 睇睇我既試食分享啦~ 呢個曲奇夾雪糕~其實都唔知邊個發明~ 雖然影相係靚~仲係面加左d朱古力彩針and 粒粒 但其實都食到幾狼狽 因為一咬其實d雪糕就爆開 我都係鍾意呢2樣野分開食多d 曲夾唔係脆口果隻質感~係好似Mrs.Fields果d軟軟地既~ 好Colorful~岩晒相機食先~ 價錢：hk$35 其實味道冇咩特別 就係普通既雲呢拿味 不過我要既就係呢種夢幻粉藍 見到就滿足了 雪糕質感不過不失 幾軟滑 價錢：hk$23(small cone) 店名：Scaredy Cat Ice Cream & Coffee Shop 地址：元朗又新街27-29J號建威大廈地下8A 時間：14:00-24:00 如果喜歡我的文就比個like我啦~ facebook：港女「狗」遊遊 Youtube：Maggiekei Lau Instagram：hkwanderlust/maggiekeilau 工作聯絡e-mail: maggiekeilau@hotmail.com
