曾經我都係一個日本迷，走日系路線既少女(現在已是中女)，以為每年都要去一次日本，買乜？衫褲鞋襪乜都買架，差在電飯煲未買咋！ 但其實我覺得最傻既係係日本買零食！何以見得呢？ 之前成日係日本見到d勁得意既零食、杯麵、野飲，我就會忍唔住買番香港，然後發現.....香港都有得買！！！ 最傻既係買杯麵番黎，又浪費個gip既位黎放，真係留番d位買個電飯煲仲好。 所以我一見到 Aokimachi青木町 間舖既時候，我真係超興奮，就好似如果你係買鞋魔人，你去到Jimmy Choo一定會雙眼發光、如果你係買袋魔人，你去到LV、GUCCI一定控制唔到你雙手、又好似你係化妝魔人，去到化妝品店一定會買到樣一樣！ 我就正正係一個零食魔人，同你講零食的話我可以講足幾日幾夜唔停，想睇字？冇問題，打番編萬字文黎同你講我同零食既相識經過結婚生仔....(諗多左) 總之身邊既人都知我係一個超級零食控~~~ 公司既零食基本都係我去補貨~次次行親零食店都唔會空手而回~而我個袋幾乎係一定會有糖呀、朱古力呀等等零食長期放係度！(所以咪咁肥囉~唔好講呢D掃興野) 開業一年多、位於觀塘開源道60號駱駝漆大廈第三期8樓M座既Aokimachi青木町，真係好似去左日本咁呀！ 我一入去既時候我都嚇親，超大間又超多零食揀，真係超多款，我覺得係多款過係日本tim呀，零食控黎到一定會抓狂！ 門口已經大大隻字寫住個店名啦~~位置超方便，因為駱駝漆大廈第三期係勁多野行！ 門口已經貼晒d poster，只要like左佢地facebook就可以即場成為會員用會員價買野，我緊係第一時間like左啦！ 看到嗎？零食海耶~~~被零食包圍的感覺超開心~~每件都好想試呀>< 多款到唔知點揀，全部都係日本零食，有勁多限定款既口味tim >< 我係度行左成個鐘呀 哈哈 限定蕃薯口味的熊仔餅呀~~真的好多期間限定的零食~來這裡好像尋寶一樣~ 零食的價錢設計很有趣，大概分成三區，然後那一區的零食都是同一價錢，如果於該區買3件便可以得到優惠價啦，但要先like facebook成為會員才可以享用優惠價啊，這樣購物更方便啦，不用每款看價錢。 連日本的甜品都有，雪糕大福、雪糕窩夫、芝士蛋糕、泡芙......店主說這些甜品都比較受歡迎啊，而且是數量有限的！ 點擊圖片放大 也設有凍櫃，有售一些急凍的日本料理食材，如蟹棒、日本皇帝蟹件、長腳蟹、廣島蠔、北海道刺身帶子、紐西蘭半殼生蠔、澳洲皇帝蝦及挪威三文魚等等，喜愛下廚的朋友可以在家中享受來自日本的美味啊(可惜我是地獄廚神......) 我即場試食呢個草莓大福，係店主推薦我架！ 店主教我地要等5-10分鐘等d雪糕融化左少少、軟軟地先好味！ 大福其實係好似雪米糍咁，咁由qq既糍米皮包住雲呢拿雪糕，中心係有原粒草莓架，質感好qq、軟腍，草莓又大粒唔會好人工化既味道，帶點酸酸的，好好味呀！ 仲有其他口味選啊，店主話通常番左貨之後都好快比人掃晒架，要把握時機，佢地facebook會經常更新新貨品啊！ 仲有一個雪櫃專賣日本飲品，價錢很合理啊！ 點擊圖片放大 仲比我野生捕獲到好多Kumamon 熊本熊既產品！我近期真的大愛Kumamon呢！ 謝謝青木町的同事送這麼多零食給我，番到屋企果時屋企人以為我朋友去完日本買咁多零食手信番黎比我tim！ 因為真係太多款啦~我揀左幾款特別d既同大家介紹~~ 檸檬鹽味既卡樂bb薯片，味道超清新，好似食左空氣清新劑一樣，味道特別，可以一試。 我係一個名符其實既朱古力怪，食親甜品、雪糕都要叫朱古力味，所以呢個朱古力蝴蝶酥可以話係我既最愛推薦，好好味，朱古力味好濃郁。 店主推薦呢個叫Frito Lay牌子既薯片，話味道好出同好濃，一於試下呢個牛油果芝士味啦，我其實唔太好牛油果味既野，但呢隻栗米片係好好味，我勁快食晒一包，芝士味超濃！ 係外面勁少見既青咖哩味道薯條，薯條質感較實，青咖哩味都好突出，又幾好味，好似食緊青咖哩點薄餅咁。 迪士尼Tsum Tsum的出奇蛋呀~我曾經因為出奇蛋轉左版而唔開心左好耐，之後見到日本有得買舊款出奇蛋即刻買左番黎，結果都係發現香港有得買><所以我而家已經學精左去到日本盡量少買零食。 呢款Tsum Tsum超得意，有13款公仔，係好有神秘感架，你唔會知道你抽到邊隻公仔架，佢有米奇、米妮、毛毛、Elsa、鋼牙與大鼻，仲有一隻係特別版，抽到邊隻就睇你既運氣啦！ 我抽到米奇呀~最原始，都好qq呀，不過其實最開心係食到一次過滿足你3個願望既出奇蛋！ 介紹左咁耐，如果你住得唔近觀塘都可以買到架！去青木町個網站度慢慢選啦，又唔洗出街同人迫，最開心就係可以同同事係公司度揀零食，click完一輪買滿hk$300就可以免費送貨啦，真係超方便，我同我d同事已經決定下次唔洗再出街買零食拎到1袋2袋番公司，下次一齊Order既方便又快捷，得左！ 睇黎我呢世人都唔可能有瘦到既一日架啦 >< *產品試食由青木町提供 青木町 地址：香港九龍觀塘開源道60號駱駝漆大廈第三期8樓M座 facebook：https://www.facebook.com/aokimachi.po 網址：http://www.aokimachi.com/ 如果喜歡我的文請繼續支持我啊！ 歡迎留言給我,我一定會盡力解答的! Facebook：港女「狗」遊遊 Youtube：港女「狗」遊遊 Instagram：hkwanderlust/maggiekeilau 歡迎邀請出席活動及試用 工作聯絡e-mail: maggiekeilau@hotmail.com
