香港人對於新相識，甚至朋友，都一句「Hi」就算，然後「.....吖...」努力R野講。英人一見面就「How are you doing」，開頭我都猶豫係咪應該由朝早個早餐好難食開始講起。然後心諗算啦，就答小學雞答案「I am fine, thank you」(證明由小一起學過嘅英文無畀返老師yeah!) 但係原來除左一句「I'm Good, fine, ok」之外，佢地真係會詳盡闡述最近的生活。就算係對新相識的陌生人，係陌生人。 話說某夜搭的士，男友一句「How are you doing」，司機就開始「不錯啦，不過我才剛開工，今天天氣不好，希望會好生意啦。」男友答「Oh 努力啦，我才下班，還要搬新居，很多事要辦，很累啊」然後對話就展開了，講到落車。 我 :0 再話說屋企焗爐壞咗，維修員前來更換，由開始普通How are you doing的對話，竟然與男友發展成對工作前途的對話，內容絕不客套，而是交換私人生活的對話，傾足1.5小時，係粒半鐘!! 我 :0:0:0:0:0 開頭以為男友太Open，我錯了，原來很多人都這樣。 再再話說某日逛行買嬰兒用品，付款時又同收銀姐姐「How are you doing」，在相識短短180秒，我已經知道佢有一對Twins，出生時只有4磅，但發育好好宜家20幾歲有1.9米高，仲有個姨甥仔叫Noah。 不過，當然不是每個人都咁吹得，都有好多外國人一句「good, thanks!」就終結話題。我想，How are you doing 除了是一句開場白，亦是一個睇下對方「吹唔吹得的一個指標」，啱吹就有個可愛的偶遇，甚至成為朋友。 我絕對覺得英人的健談很好很Sweet，不過對於一名港豬，早已適應香港式君子之交淡如水的態度，見到英人的熱情，反而很不知所措。 ---------------------- 怎麽一覺睡醒就在英國了 miss winter in to UK 90後前旅遊網站編輯，港豬一枚跟着愛情跑到英國。 唯一牽掛的是一串串街邊細粒彈牙的咖哩魚蛋。 想到魚蛋，我又餓了。 腦袋就充滿這樣的無厘頭東西。 >>Facebook: https://www.facebook.com/misswinterinuk/
