所排出文出得少左...因為我終於搵到工啦!!! MISSTOM由日夜癲倒既hea爆生活 轉為OL生活 到而家都仲習慣中 朝朝返到公司都好鬼眼瞓HAHA 但係好好彩搵到間好公司 做得都幾開心 希望生活正常返之後可以多D出文啦~ 講返今日個主題先~ 之前MISSTOM去左銀坐Calla個度做激光脫毛毛~ 嗰陣仲係$388 你就知D相真係差D就封曬塵啦!!! 不過我到而家都仲係去左1次姐 所以都仲未好講到個效果係點.. 講返佢間鋪啦! 主色係白色同紅色 望落地方都幾乾淨 簡單設計 感覺都幾舒服嫁! 之前我去過DERMES試做 我轉頭都會比較比較~~ 填完表之後 就有店員過黎同我傾計啦~ 簡單介紹一下價錢同療程之後就同我講下其他療程 佢冇好hard sell 可能因為會返去再做療程所以冇sell 銀座Calla唔係治療師同我講療程 當店員講完就帶我入去房度 度方面睇落都幾乾淨 (但我做完之後發現佢地下好多毛毛...) 但所有人都冇講過做完去邊度 所以我做完之後傻更更咁坐左係房度等... 同其他鋪一樣都係tube top 呢個就係佢地部機~ 做落真係完全冇感覺 就係underarm度S形咁行3轉就做完 相比起D記 我個人覺得D記真係好痛... 但D記個服務真係好得不得之了!!! 而呢部就係佢地獨家既"美肌潤美" 以下係官網資料 脫毛前：「美肌潤美」保濕精華 為了提高脫毛及美肌效果，脫毛療程開始前會在脫毛部位塗上「美肌潤美」保濕精華，潤澤肌膚同時亦有助減輕脱毛時之痛楚。 脫毛前：「美肌潤美」保濕噴槍療程 脫毛療程後，治療師會為客人用「美肌潤美」保濕噴槍以高壓噴射透明質酸、骨膠原等 6 種美容成份，幫助冷卻及滋潤肌膚，解決以刮刀、脫毛膠紙、蜜臘、及一般光學或家用脫毛機所帶來之乾燥反應。體現真正的「嬰兒肌膚脫毛」。 「美肌潤美」之優點： - 全面保濕肌膚後再脫毛，可以減輕脫毛時肌膚之負擔。 - 脫毛前使用保濕噴槍，毛孔內的污垢會自動脫落，從而提高脫毛效果。另外，本儀器可以對肌膚起顥著保濕作用，肌膚乾燥之顧客接受保濕護理後也可進行脫毛。 - 向皮膚噴射骨膠原和透明質酸，可以逹到肌膚美白及保濕效果。 - 在脫毛療程後迅速冷卻肌膚，預防肌膚問題。 雖然講到好勁咁 但我個人覺得冇乜太大既保濕度 不過有保濕都係好既~ 由於我個underarm有D黑媽媽 所以我冇影before after啦! 廢時嚇親大家~~~ 下次再為大家帶黎第二回啦~~! 有什麼問題歡迎聯絡我 ♥ 歡迎聯絡試用 Email : miss_tomtom@yahoo.com Blogspot : http://misstomeverything.blogspot.hk/ theZtyle : http://misstom.theztyle.com Qooza : http://beauty.qooza.hk/u/MISSTOM BeautyExchange : http://www.beautyexchange.com.hk/blog/MISSTOM Ubeauty : http://www.ubeauty.com.hk/member_blog/misstom/
