朋友係lunch time send msg黎問我今晚有冇興趣一齊食飯 我第一句就問：去邊先 佢只係淡淡然："中環站等" 又話食飯? 做乜帶我黎睇遮? 原來Foxglove呢度由 1868開始就賣訂製遮 遮身, 扶手都可以自己揀 職員神秘地搖一搖遮架上面既遮 木門就打開啦 樓底唔算好高 昏暗晚燈光好有情調 星期二至日有light jazz band 可以今日係星期一啊 聽聞jazz band都好有質素 真係好想第二日再去 時間尚早 首先點左幾杯cocktail 點擊圖片放大 黎呢道既大部份人都係為左佢地出色既cocktail 而我除左飲酒 都想試下呢度既食物 打開menu 原來呢度係食精緻中菜 由入門口開始 外面賣雨傘既店面 入面懷舊情懷既酒吧格局 又點會估到呢度係食中菜? 任何事都有第一次 淘小姐就飲住cocktail食中菜! Stewed Eggplant with Bacon Sauce - $88 煙肉醬茄子 雖則話係煙肉醬 但睇落去似係川式茄子 因為佢紅紅黑嘅醬汁畀人感覺係辣嘅 但係原來食落去係偏甜 上面撒上芝麻 令人齒頰留香 Bakes Stuffed Crab Shell with Fresh Crab Meat, Bacon and Mushroom - $238 per person 煙肉蘑菇焗釀鮮蟹蓋 十分之喜歡呢一度菜 每一啖都係蟹肉 而煙肉蘑菇嘅份量亦都唔吝嗇 面頭亦都焗得好酥脆 Braised Morel Mushroom and Winter Melon Broth - $128 per person 羊肚菌水中花 第一次食羊肚菌 起初以為黑色的粒嘅係粒核 原來佢就係羊肚菌呀 師父嘅刀功令到一嚿普通嘅冬瓜係湯裏面變成一朵花 好靚呀 湯入面仲有竹笙同韭菜花 感覺好似係宮廷嘅湯品咁樣 而佢嘅器盛載嘅器皿好似一個微型嘅金魚缸 有別於一般嘅燉盅 所以個感覺好神奇 Cubed Angus Tenderloin with Black and White Garlic - $368 黑白蒜安格斯牛柳粒 牛柳粒入口即溶真係超好食 入過廚房都知道要煮好食嘅牛 其實都唔容易 除咗牛嘅質素要夠高之外 師傅對於煮牛嘅時間都要拿捏得好準確 而我就第一次食黑蒜呀 稍稍有甜味 又有蒜嘅香味都幾好食 最緊要係佢養生吖嘛 Steamed Garoupa - $428 雪裡紅東星班 估唔到一間酒吧入面都會有東星斑食 東星斑片來自魚既背部 冇骨之餘又多肉 十分十分之新鮮 肉質嫩滑 啖啖肉嘅口感真係讓人好滿足 雪裏紅即係雪菜 加上少少嘅紅椒絲 再配上parma ham 成個感覺就好與眾不同 Vegetable in superior broth - $168 上湯浸時 看似平平無奇 未試過食一個菜係可以跟腍之餘唔會過份熟㗎 真係好想即刻入廚房問下廚師點樣可以煮到咁好食 Shredded Pork with Mushroom, Chinese Chives Flower, Bean Sprout on Crispy Egg Noodles - $198(regular) / $108(half) 肉絲炒麵 肉絲炒麵嘅重 職員上菜嘅時候再三叮囑我哋一定要快啲食 否則個麵淋咗就影響曬個口感 我哋好聽話即刻食 比起外面食到嘅更加香脆㗎 醬汁味道剛好 唔太油膩 Deep-Fried Custard Milk Roll - $48 黃金脆奶卷 呢個甜品係鎮店之寶 入親呢食嘅客人都會話好好食 有別於一般嘅炸鮮奶 佢嘅外皮有少少似係春卷皮 而佢嘅奶味係香濃 口感棉滑 甜度剛剛好 以佢作結 十分之完美
