淘小姐去年由新界搬到去港島區，有感人情味濃之餘，書卷味更重 !!! 銅鑼灣除左中央圖書館、多間大型嘅書店之外，原來仲有街頭嘅書展活動～ 由灣仔區議會文化及康體事務委員會及香港書刊業商會合辦的「閱讀在銅鑼灣」已經舉辦到第十四年頭。 2019年嘅一開始就已經有書展，令喜歡打書釘既淘小姐我好期待～～ 而今次書展嘅目標係推廣親子閱讀！ 雖然未有小朋友，不過淘小姐記得『超級奶爸』主持人何基佑經常話 每日應該都有親子伴讀時間，即係無論幾忙、講故事叻唔叻，都要花花時間陪小朋友睇書，從而增進親子關係。 而今次呢個閱讀在銅鑼灣呢就有大量嘅兒童書～ 主辦嘅區議會同埋書商都十分希望小朋友可以從中獲得佢哋第一本喜愛嘅書，從而開展佢地嘅閱書嘅旅程。 淘小姐就對呢本書好有興趣啦～ 「閱讀在銅鑼灣」今屆共有34家出版社合共提供逾22萬冊書籍展銷，其中約15萬本為$10、$20或$30超特價書，種類包括親子、烹飪、心靈、勵志、旅遊、小說、散文、理財、生活品味等，以滿足不同書迷需要。 而新書仲有八折優惠，希望便利銅鑼灣周邊市民選購書籍，同時提升區內閱讀風氣。 點擊圖片放大 第十四屆「閱讀在銅鑼灣」社區書展2019詳情 日期︰2019年1月12至13日（星期六、日） 時間︰下午2時正 至 晚上9時正 地點︰銅灣灣東角道、駱克道、記利佐治街、白沙道及利園山道行人專用區 門票︰免費入場 查詢︰6573 9463 網頁︰www.communitybookfair.com Facebook專頁︰www.facebook.com/Community.bookfair
