又到月尾... 大家係咪又好頭痛D＄要點捱到月頭呢 等我今日我帶大家去食平DDDD(肥媽3D MODE) 權記 位於北角一間超唔起眼，超簡單既一間麵店 第一次經過吸引我留意佢既係...寫住超平價價錢既餐牌 ＄15 ? 單雙拼都係 ＄15 ？？我無睇錯呀嗎？ 而家竟然仲有15蚊碗麵？ 係咪呃人食架... 由於在筆者最近洗突左，所以就入去食啦，點知就成為我近排既飯堂！ 第一次食，就整碗墨丸雲吞河試下先，一定唔會出事啦。 坐底3分中，就有得食。快！ 3粒墨丸，2粒雲吞，有成5粒甘多！ 湯底好清，較淡。墨丸普通，似街市貨。 雲吞最好食！皮薄，而且竟然有3隻細蝦係粒雲吞到！D蝦雖然無挑腸，但口感十分爽甜，而且總好鮮味！掂！一碗都算飽！唔夠可叫多碗淨麵加底，都只係＄6 ! ＄15比起出面食，已經係十分抵食！ 跟住第二日LUNCH再去食！ 今次食鯪魚球加雲吞河！又係坐底3分中，就有得食！！ 有2粒鯪魚球，2粒雲吞。 今次唔再講雲吞，講鯪魚球， 鯪魚球比墨丸少一粒但大粒過墨丸，咬落去口感都幾軟，都係幾鮮似自己制，唔係街市貨。湯底雖淡，但加上辣椒醬，蔥花，醋！又辣又酸，一流！ 另有普通凍支裝豆漿，罐裝汽水出售，都只係＄6蚊！真係抵！ ＄15＋＄6 ＝$21抵！ 第三日LUNCH 雲吞河＋菜 4粒雲吞大大粒，菜是筆者最愛食的通菜！ 清水煮加一點腐乳醬調味，唔會太咸剛剛好！菜都係加＄6 ，都係一個字抵！ ＄15＋＄6 ＝$21抵！ 仲有魚皮餃，黑椒牛丸，魚蛋，魚片，等選擇，都屬街市貨。 PS.此店不賣牛腩，牛肚等。 總括黎講4個字：快！正！平！抵！ 一定係月尾之選！！！！ :lol:
