如果無留意CAFE呢個詞單睇OVO你會發現其實佢係一個表情符號 但有係灣仔活動開既你一定知其實佢代表灣仔一間傢私店。 最近有D心緒不寧想去一D令人感覺到舒緩既地方 香港人一諗當然諗到CAFE 而且OVOCAFE係新派西式素食主義 更加想一試 我地晚上八點多去到 位置唔算難搵，去到左邊係陳列室，右邊就係OVOCAFE 一入到去店員話好快就有位叫我地等陣就OK 於是我地就周圍影下相 點擊圖片放大 好高既樓底 唔會比人形成壓迫感 而且周圍都係綠油油，環境特別舒服 餐廳係採用自助形式到櫃檯買餐,坐底之後店員送上餐牌再自行到收銀處點餐 我地點左ALL DAY GREEN BREAKFAST($88) 有香滑炒蛋，芝士薯蓉，茄汁焗豆，炒雜菌，多士配車厘茄沙律 炒蛋未算炒得老 當中帶點蛋汁 都算唔錯 芝士薯蓉第一口食落去有濃濃既芝士味而薯蓉就比較硬身 南瓜忌廉湯($45) 店員將湯送到上枱時比佢既湯碗吸引住 公雞碗現已好罕現，突然懷舊感倍增 南瓜忌廉湯比較杰身，配上忌廉增添湯既質感 仲有就係三色茸配牛油粟米($48) 分別有芝士薯蓉，南瓜蓉、蕃薯蓉 如果三種一齊放入口再加少少牛油粟米一齊食 種感覺好特別因為包含左三種味道同時刺激味蕾 分別香甜，濃味，同埋牛油既咸香味 真係要你試過先知個種感覺。 又係時候比LIKE啦~ 環境優雅: LIKE x 8/10 食物品質: LIKE x 7.5/10
