點擊圖片放大 今日講係D2 place買既手工啤，我當然先試朋友既「高慶坊」先啦！ 呢隻酒係香港人本地製造，背後製作來由同經過，大家可以like佢地既page睇（碌早兩個post有share)。 飲後感（而其實除左品茗，我無用同方法品過啤,9講 唔岩聽唔好打我面，靠面搵食，你懂的！） 樽身外觀感想：本身鐘意黑色，樽蓋純黑色，幾有型！樽身係深色，一般無光下透明感不大！貼紙設計非常配合啤酒名「高慶坊」，亦有少少懷舊感覺。 色澤：亮黑，泡沫幼滑、淺褐黃色 質感：感覺比一般飲既啤酒較潤滑，比較有厚度 氣味：麥味香濃，唔知係咪因為知道有花旗參，聞起黎有重參既甘香（似平時乾花旗參咁） 飲後感：麥味自然係首先充滿口腔，泡沫同酒身順滑，比一般黑啤少左好多苦味，而且花旗參係吞入喉嚨既時候就開始出黎。舌兩旁都有回甘，而最後鼻呼氣時有花香（而其實咩花香，我唔知，不過唔係鮮豔大花既濃香，比較算係幽幽既香氣） 總體：我本身都偏好黑啤，呢隻啤既香氣，我幾buy，幾適合happy hour個類開心moment飲！
