昨晚發生了一件驚嚇事件⋯⋯話說我尋晚沖完涼，係張床百無聊賴玩電話，咪順手check下電郵。點知就俾我發現了一封銀行寄黎既電郵，主題係「XX信用卡：直接扣賬交易提示」。我心感不妙，我明明都無買嘢，點解會突然之間有信用卡交易？於是，我再細閱那封電郵，商戶名稱有啲印象，係一個網頁製作平台，我的而且確曾經subscribe 過佢哋既服務，不過我已經好耐無用，所以我好驚訝點解無端端收我25蚊美金！既然電郵寫「如有查詢，請致電24小時客戶服務熱線 XXXX」，我諗都唔使諗，九秒九即刻打去客服中心。幸好昨晚線路唔算繁忙，客戶服務主任很快接聽電話，我將事情一五一十告知，希望職員可以幫我check下個交易記錄，睇吓我張卡係咪被人盜用咗。（Miss Mean係果間銀行有幾張信用卡，電郵並無交代係邊張信用卡過了數，所以我睇完過電郵都係一頭霧水。）由於電郵是晚上發出，我倆以為信用卡交易是剛剛或當日完成，所以職員一開始都搜尋當日的交易記錄，但一無所獲。之後，她加大了搜索範圍，才發現交易於前一天完成！（前天完成的交易，你一日後才發電郵通知我！如果我被人盜用信用卡，我就真係GG了！）職員得悉交易詳情後，她坦言類似事件時有發生，因為很多平台都有自動續費的條款，顧客可能當初沒有為意，不小心授權了該商戶自動過數。我覺得呢個分析非常合理，但該商戶已經存取了我的信用卡資料，而且可以直接過數，我始終非常憂心。由見及此，職員替我即時停了該信用卡，並為我補發一張新的信用卡，我才真正鬆一口氣。（之後，我重新登入網頁製作平台，果然發現自己大頭蝦，自動續約模式啟動了，OMG！雖然我跌咗錢，幸好銀碼不算太大，我當買個教訓，以後必定會小心保護我的信用卡資料！）作為一個小小既客戶，Miss Mean 有少少feedback/建議俾返某銀行高層：1.我expect果封「直接扣賬交易提示」電郵係實時send俾我，而唔係交易完成後一日先收到囉！2.麻煩搵同事update 下email template，至少話俾個客知邊張信用卡過咗數，以及交易日子及時間，方便個客/職員trace 返個交易。希望我日後唔會再無端端收到果封電郵，本小姐心血少，真係唔嚇得！
