無咗份朝九晚五既正職，難道Miss Mean 會自暴自棄，坐石山崩？Of course not！雖然我一直以來沒有理財概念，但當我面對「零收入」的重大危機時，我自自然然爆發小宇宙，好積極地鑽研另類搵錢方法。（Miss Mean 做人好有原則，絕對唔會做任何違法的事情。）1.密密開立新的銀行戶口各大銀行都推出不同的迎新獎賞/禮物，例如額外高的活期存款利率，以吸引新的客人去開立戶口。為了賺盡不同銀行的迎新獎賞，Miss Mean 有策略地逐一開戶。當迎新期一過，我就立即將我的積蓄「搬家」，由銀行A搬去銀行B，再搬去銀行C，如此類推。（Miss Mean 極度討厭到銀行分行排隊，可以的話，我必定以手機開戶，方便快捷。）3.密密碌卡關於碌卡呢方面，Miss Mean 係非常積極進取。父母一把年紀，佢哋好抗拒任何電子消費，咩都要用現金支付，嘥料。咁好機會，我當然瞓身幫佢哋碌卡，一來我可以爭取額外現金流作活期存款，二來我可以賺取信用卡積分或者回贈，何樂而不為？（Miss Mean立志成為碌卡達人，賺盡信用卡的回贈！）3.密密套現，制造現金流我依家先發現原來信用卡好處多多，除咗碌卡有回贈外，某些信用卡甚至可以現金套現，而且免手續費！簡單來講，我可以無本生利，例如我可以將信用卡套現後的錢放在銀行活期收息，瞓住覺都有錢收，正呀！（Miss Mean 依家無正職，所以無咁易開到新的信用卡。即使我成功申請到卡，所批核的信用限額都偏低。點解我以前唔開多幾張有用的信用卡？）4.密密炒散以上既搵錢大法，絕對係唔會令我發達，不過總好過坐以待斃。其實，最直接既搵真銀方法，當然係正正經經返下兼職或者送下外賣，密密做、密密賺。可惜，Miss Mean 乃係佛系斜棟族，返工係講天時地利人和，我都唔知自己下次幾時開工，一切隨緣啦！（Live to work or work to live? 生活為了工作，還是工作為了生活？Miss Mean 一定係後者啦！）過了一半人生，痛定思痛，Miss Mean 總算悟出一個大道理：「你不理財，財不理你」。人生有幾多個十年？坐言起行莫蹉跎！
