結婚後，嫁雞隨雞，Miss Mean 從市區搬到大西北。雖然搬咗黎新界幾年，我既活動範圍都只限於幾個地方，不外乎附近的商場、食肆，以及地鐵站，因此我從來都不敢認自己係地膽。（自由行罅捐窿捐罅，我真係無咁既閑情逸致，所以佢地分分鐘對周遭仲熟過我。） 自從加入了外賣平台成為步兵後，我基本上都係自己居住既地區送餐。一來，我可以慳返交通費；二來，我可以節省時間，不用舟車勞動，可以接多幾張單。最重要既原因，我當然要考慮我partner既喜好。（老公比我更加唔願郁，要佢陪我穿州過省送外賣，我諗我既外賣事業未正式起步就已經告終。） 在過去的一個月，我同老公差不多晚晚食完飯都去送外賣。（幸好，屋企早食飯，我哋八點可以準時鬆人，否則都冇呢支歌仔唱。）外賣工作簡單直接，但我竟然有不少意想不到的得著： 1.乘機拍拖過往的日子，老公食完晚飯只係顧著睇電視，由無綫電視睇到ViuTV，簡直沒完沒了⋯⋯ 依家我倆一齊送外賣，漫步人生路，可以乘機拖下手、傾下計，重拾拍拖時的甜蜜。（電視絕對係我同老公之間的第三者，只可以避之則吉，絕不能硬碰。） 2.鍛鍊身體我同老公都係大懶蟲，無咩事都足不出戶，肚腩愈來愈大啦！為了大家的健康著想，Miss Mean唯有出動我的三寸不爛之舌，成功將老公洗腦。（其實，我的荷包更重要，好一段日子無進帳啦！）Miss Mean：別人俾錢去健身，我哋收錢去運動，咁荀既野，唔係唔去馬？（點解我既口才咁好，唔做律師真係嘥咗。）老公：你講得啱，行個圈就有錢收，唔錯唔錯。（錢係我袋既，當然不錯啦！） 3.物色美食「外賣二人組」踏足過不少餐廳，當中發現不少新大陸。例如：我哋發現了一些隱世食肆，雖然它們地方細小或者位置欠佳，但門庭若市，捧場客甚多。有些餐廳裝潢平平無奇，但它們的外賣包裝非常有心思，外賣的賣相甚至可以媲美堂食，另人嘆為觀止！（搞到Miss Mean 心思思想去幫襯！） 4.順道「睇樓」至於區內數一數二既大型屋苑，我都有幸到此一遊。作為一位專業外賣送遞員，我只會係門口交收，絕對唔會進入住宅內。雖然我無得入屋參觀，但係話晒我都親身體驗過座頭保安的服務、搭過它們的升降機，以及踏足過它們的平台。所以，我對於各大屋苑的保安嚴謹度、座頭人手及服務態度都瞭如指掌。（Miss Mean日日「睇樓」，但可惜我無錢買，所以繼齋睇唔買！） 「外賣二人組」可以堅持幾耐？Miss Mean 都唔敢寫包單，我哋即管拭目以待！ Miss Mean 是日金句：Do what you love, love what you do!
