(申請英國工作假期簽證只要30歲前有BNO同埋有一個英國政府要求嘅資金就可以，詳情會係政府網站搵到） 我係申請英國工作假期簽證到倫敦嘅，係到差不多住左一年。經歷左好多，所以我決定從最簡單嘅經驗講起就係租屋住。 倫敦樓價同香港差不多，所以呢到嘅租金都貴。但係如果你唔介意住離CENTER遠啲嘅地方就會平啲。倫敦分ZONE 1 TO ZONE 6，CENTER 意思係ZONE 1 TO ZONE 2／3， 離所有景點唔會好遠，交通比較方便，大部分人都係喺呢啲ZONE 番工。ZONE 4 TO ZONE 6， 係離市中心比較遠，可能需要30分鐘/一個鐘先到CENTER。所以係嚟倫敦之前，諗下想住近CENTER交多啲租或者平啲嘅地方，當然，有啲時候你可以搵到好平嘅 SHARE HOUSE，但係要小心。有一啲網上放租係騙局，佢地會先叫你將錢存入WESTERN UNION然後先俾你睇屋／房，但係當你TRANSFER左錢，你就唔會再搵到佢地。 另外，英國嘅租金唔係好似香港咁計，佢地係每星期計。屋租會以52星期計算，例如，一間房係£100一星期，如果你係每兩星期交租，就好易計，每兩星期交£200。但係如果你係每個月交租一次，就會變£100 X 52／12= £433。所以係簽合約之前，請小心睇清楚同問清楚，仲有問清楚包唔包括水電煤，如果唔包會係點計，同埋問下會唔會有另外嘅BILL要俾（例如WIFI，COUNCIL TAX，TV LICENCE） 係溫室長大嘅我，嚟英國之前完全唔清楚呢啲野，係嚟到之後身邊嘅人解釋我聽，雖然做左資料搜集，但係都一頭霧水。到而家我終於知道點去搵屋。 我建議大家係FACEBOOK嘅一啲GROUP到搵比較安全，（例如LONDON SHARE HOUSE，英國打工渡假情報站，英國生活資訊）又或者可以去一啲安全嘅網站 （例如 RIGHTMOVE， PRIMELOCATOR，ZOOPLA） 我好幸運，因為我到倫敦之前，男朋友已經由法國到左英國。佢之前係英國住過一年，所以佢聯絡番佢之前嘅 LANDLORD，係 SHARE HOUSE 到租左一間房... SHARE HOUSE 嘅房係平啲，但係屋友可能係一啲好特別嘅人，令你覺得自己似係動物園多過住緊SHARE HOUSE... 下次再同大家分享
