呢三個星期係turning point，產後檢查、轉陪月、紮肚、做運動，同BB落街散步，漸漸地回到正常生活。 請左6個星期陪月約滿了，自己身體仲未恢復好，心情難免緊張。最後決定再請多6個星期陪月，但臨時臨急只搵了一個新手，是一個令人難忘的惡夢，改變了我對陪月的看法。 原本的陪月係令你安心坐月，幫你照顧BB，仲教你點樣照顧。本來諗住BB時間表都建立好，自己都識湊，只係唔想咁攰，起用新手都冇問題，點知⋯⋯新陪月來的一星期，我又失眠了。 原來新手陪月既知識都停留左係理論層面，信任建立唔到，令我日日都係驚嚇中度過。舉例：掃唔到風，問你可唔可以唔掃。BB訓得正好，幫佢換片（不是有屎）。然後BB喊了，安撫失敗，問你點算。問點解換片，佢話check到尿片滿了，原來係1/10滿了 最後佢辭職，完結左兵荒馬亂的一星期。
