上回講到5am 姑娘又推bb黎餵人奶，如是者就親餵左一個鐘，除了痛還是痛🥲🥲🥲 講下住院呢幾十個鐘學到既技能：1）餵人奶：由於親餵太痛，姑娘比左針筒我抽啲奶出嚟，成個鐘都係得1mL 真係滴都是汗。另外，醫院會有專門負責教你餵人奶既護士黎比意見，睇下你有咩需要幫手。人奶護士真係好細心咁解答問題，令你安心出奶2）掃風/換片：睇就睇得多，自己做又係另一回事。護理員或者姑娘會示範比你睇，唔識又可唔可以再問，或者佢地睇住你整再從旁協助。由於一日真係換好多次片，總有一次你可以自己做到3）換衫：明明都冇飲奶，bb都嘔好多野出嚟⋯⋯原來係嘔胎水，一嘔就成身濕 唔舒服就喊了。咁你就可以學幫bb換衫了，由底衫-包被-外層到床單😀一日可以換5次。好快就會由手忙腳亂到上手 PS 所有既衣物都係自己拎新既去換 再拎舊既去污衣桶 要有行黎行去既心理準備4）餵奶粉：姑娘都有一節係教你點樣準奶粉 等你返屋企後bb都唔會餓親😃5）抱起bb: 人生第一次抱bb都好緊張，你又要餵佢掃風換片，佢又喊，但你見人人都可以😌你發現你都可以6）bb喊/打嗝/其他：自己第一次見到呢啲場面都好驚，但都可以叫姑娘或者護理員睇下bb咩事，佢地check完通常都解決問題。喊主要三個原因：食奶/片/想抱，而打嗝係一種運動，可以不理7）肌膚接觸：每日會有人幫bb量體溫，只要低於一個度數 佢就會叫你同bb肌膚接觸 簡單來講即係放冇著衫既bb上你冇著衫既心口 比啲溫暖佢除左幫bb沖涼，一般照顧bb既日常技能都get😎第二日醫生檢查完 覺得你同bb狀態都好好 就可以出院了PS 第二晚實在太攰 同姑娘講唔餵人奶了夜晚想比佢食奶粉，姑娘同護理人員都好好 幫我湊左bb一晚 終於訓左生完之後的第一覺🥹😅下一篇會講產後生活：坐月第一個星期每日都要出街……
