如果覺得文章太長😂總結就係：你會係出院前學識所有基本照顧bb技能，但媽媽係冇得休息既（除非你要求+咁岩遇上好心既staff)。考慮緊公立定私家既你，睇下邊樣岩自己啦😗生完之後大約三個鐘，就會有人推你同bb落產後房。產後房嘅環境比想像中好，可能要母嬰同房，空間都幾大，一間房6張床，但唔係張張都有人訓，而我仲幸運地被分左去窗口位。最令我意外嘅係竟然唔係好多bb喊聲😄終於可以食野，老公去左澳牛買野食😍估唔到產後第一餐係澳牛外賣病房大約會比大15分鐘你同屋企人settle，拎下啲日用品出黎之類。老公走左之後，食完我既第一餐，就準備做第一個task:小便。原本佢叫我落地行去廁所😂😂😂膽小的我隻腳一掂地都見暈，就叫佢比我床上解決😂😂完成左第一個task就訓覺了😴不過好快又有第二個task….睇到大約12點幾，姑娘推左bb返黎 姑娘：可以試下餵人奶 （岩岩入病房會有人問你係人奶定奶粉，當時我答人奶😂冇諗過咁快）就係咁 你突然就抱住bb做餵奶既舉動（呢一刻..我係未有奶啦）右手吊緊藥水 左手抱bb 大約5分鐘..我已經頂唔住…於是禁鐘求助姑娘：5分鐘唔夠架我：真攰..要休息下先 陣間再試 我想慢慢黎 （記住 唔想 就要firm 佢都唔可以迫你..else佢會游說你）如是者…我就再訓覺了😴大約5am 姑娘又推bb比你親餵…今次餵左一個鐘🥲一個字：痛（待續）
