圓圓的旅程 上回講到我地下午行程係要去棕櫚島里克薩斯酒店（Rixos The Palm Dubai Hotel & Suites）試下土耳其浴同埋食自助餐。 入去Rixos既路岩岩維修中，單線行車，開車開左成個鐘先到目的地。去到水療中心，講朋友留低既電話，等左陣就有一男一女分別帶我地去換衫同介紹水療中心設施。 中間過程省略直接去到重點土耳其浴啦，因為冇（打算）著衫，所以都冇特別帶電話去影相，環境格局同網上圖片一樣只係再暗一點： 休息室 官網圖片 Source: https://thepalmdubai.rixos.com/spa-wellness/detail/spa-wellness/84/63/0 首先，會有人帶你入休息室等候，紅色燈光、土耳其特色佈置同音樂，會令你有去左另一個時空既錯覺。休息室另一端有一道好高既門，而呢道門後面就係土耳其浴浴場。等待既時間當然又係幻想出現既時間啦，例如會唔會有唔識既人？男女係咪一齊沖涼？職員就話呢個係我地book左的時段，所以只有我地兩個。 大門打開 官網圖片 Source: https://thepalmdubai.rixos.com/spa-wellness/detail/spa-wellness/84/63/0 另一端既大門打開，兩位按摩師示意我地可以入去啦。嘩，樓底有成三層樓高，裝修同網上圖片一模一樣，中間有一塊八角型既巨型大理石，相應角落都對著一個華麗出水位。 巨型大理石床 我地就分別訓左上其中兩邊 官網圖片 Source: https://thepalmdubai.rixos.com/spa-wellness/detail/spa-wellness/84/63/0#prettyPhoto 本來以為呢度係大堂，再會入其他房間既時候，按摩師就叫我地分別訓上巨型大理石既兩邊，脫去上身既衣物，之後用毛巾幫我地遮住雙眼。 然後聽到急促既水聲，本來都唔知咩事，突然按摩師就係咁用水淋我，係咁淋，係咁淋，前面又淋，後面又淋（當刻心情超級複雜，既緊張又興奮又要表現冷靜，想偷睇又怕有水入眼，這到底是什麼體驗？） 淋完一大輪之後，按摩師又行開左。返黎既時候就用一條起左超級大量泡泡既毛巾，搽泡泡去我全身，留意返呢度既全身係指由頭到腳板底（當刻係諗緊塊面係咪可以唔洗要啦，返香港要即刻做facial） 之後重點黎啦，按摩師會用一塊有粗糙表面既手套（估計係絲瓜絡）去幫你刷身，唔係輕輕力地刷，係用盡全力咁刷（朋友話可以問佢拎返呢塊刷身布留念，我是不想「睹物思人」了）。幸好泡泡有cushion作用，感覺係比用粗粒磨砂痛少少。就係咁樣比按摩師反黎反去，係咁刷、係咁刷，大約刷左20分鐘終於都停左（感覺時間過左一年）。 唔洗睇都知死皮一點不剩，皮膚一定好滑 。最後，按摩師幫我用暖水沖身同按摩全身就完成難忘既奢華既土耳其浴體驗了。 當拎開毛巾既一刻，我是一個全新的我，老公就話比佢刷到連頸後面既濕疹都好返。休息室有茶點供應，由於準備食自助晚餐，我地逗留一陣就換衫去餐廳了。 我地去的A La Turca Restaurant，原來是國際菜式加真．土耳其菜為主題的自助餐，抱著一生人一次的決心，我地決定要試晒所有真．土耳其甜點。 你又敢唔敢試呢？ 你又敢唔敢試呢？ 寫到明真・土耳其甜點架 後來查返，Rixos係一個來自土耳其既酒店品牌，明晒。 圓圓的旅程
