圓圓的旅程 Day3)夜晚朋友A無拿拿text我話慶祝我地結婚有禮物想送比我地 --就係Rixos酒店既自助餐同埋土耳其浴，等我地可以靚靚咁去影pre wedding。話說土耳其浴真係第一次聽，忍唔住一下，嘩，會唔會太豪華, 再Google一下間酒店，嘩嘩嘩，扮貴婦的機會來了。 咁我地就決定Day3朝早去skydive，下午去做spa再食個自助晚餐。 人生未試過跳傘，心情太興奮的關係一早就起左身，望一望出去，噢？對面街都矇矇地，能見度超低，心中有一種不妙的感覺。 10點左右見天氣好左少少就懷著矛盾既心情出發，一方面想天氣唔好取消跳傘咁就唔洗驚啦，另一方面又好想來個一生人一次的體驗 (我特登揀杜拜棕島，貪佢辨識度高)。一路開車一路同另一半開始好多跳傘的幻想，例如：我死左你會點？會唔會休息一日都仲頭暈架？ 去到見個centre竟然有開門！不安又興奮既心情令我差D嘔出黎。 入去見到都幾多人，即刻行去登記中心填資料，點知得到既回覆Sorry, we are closed today.訂金會4個星期內退返比你。原來沈重既心情得到解釋懷，原來我比自己想像中要膽小。 咁而家做咩好呢？返酒店攤到夠鐘就去spa？ 我地又點會咁浪費青春呢，趁呢個空檔，即興去左幾個主題樂園(Dubai Parks and Resorts)同The Outlet Village。由跳傘中心去主題樂園只係20分鐘車程，再由主題樂園開多5分鐘就到outlet，又一次證明揸車真係好方便，想去哪就去哪。 Dubai Parks and Resorts有醒個主題公園，分別係：電影之門 (Motiongate Dubai)、寶萊塢主題樂園 (Bollywood Parks Dubai)、樂高主題樂園 (Legoland Dubai)、樂高水上樂園 (Legoland Water Park)。幾個主題樂園都可以擺係相同地點，果然有錢有地方就是任性。 本來打算預先買票，點知去到門口見大家都只係係門口影下相就走，有種入去會中伏既感覺 ，暗暗慶幸岩岩舉棋不定要去Bollywood定Legoland既猶豫不決。比相大家睇下： 我以為樂園一定人山人海 我以為樂園一定人山人海2 下一篇：杜拜PRE-WEDDING之旅 計劃趕不上變化篇 (Day3) 奢華的土耳其浴 Turkish Hammam 圓圓的旅程
