圓圓的旅程 呢篇主要想同大家分享我地6日既行程同埋遇到既選擇題, 好多時旅行難忘都係因為當中既不確定性 :D 本來的PLAN: Day1：Hea + 同朋友食個晚飯 Day2：Abu Dhabi (Louvre Museum+ Grand Mosque) Day3：Sky-diving Day4：Pre-wedding Photo Shoot (住resort) Day5：未諗好 Day6：買手信返香港 ========== (現實) Day 1 星期五 0700 杜拜 阿聯酋機場 搞完入境手續拎埋行李岩岩好早上7點, 我地係出境大堂離遠就見到metro落左閘⋯⋯呀！突然醒起星期五metro係中午先開架！！！ 我地第一件做既事其實係坐係度等=.=等左廿分鐘左右覺得咁都唔係辦法就睇下其他一齊出境既人點做: 有人黎接 (OS: OK..you win) 去租車 (OS: 可以考慮 睇下幾錢先) 去坐的士 (OS: 可以考慮 睇下幾錢先) 2) 同3) 睇到先知原來出返市中心只需20分鐘，呀！原來岩岩如果唔坐係度我已經到左酒店放低行李食緊早餐了 租車同的士我地揀左租車因爲租一日同一程的士價錢相若。而我地第二日既行程係去阿布扎比,所以就決定租3日 [[為左可以多一個選擇建議大家事先係香港攞國際車牌 如果唔係就只有的士或者呆呆地等]] 揸車一開始都搞左陣=.=因為左右調轉左,幸運的是星期五早上條街冇人,最後都成功去到酒店 [[呀！不得不提我地揀個間酒店係會幫你泊車 岩晒我呢D泊車要泊10幾20分鐘先泊好既人]] 放低左行李 先去換錢同食早餐 主要係打發時間用 等到10點我地就去Dubai Mall 商場入面有水族館同動物園既 我地就入場見識下 嘩！係一個小小型既海洋公園 有得睇魚又有得睇鱷魚仲有企鵝添@_@比你估到就唔係阿聯酋 After 6pm 夜晚約左一個係當地既朋友食飯 原來星期五晚好多食肆都有Offer 40%off, all you can eat, all you can drink等等 有興趣可以留意返 重點唔係食飯啦⋯⋯食食下飯朋友話帶陣間我地入傳說中既 “帆船酒店” 呀！要知道如果唔係Book左食飯或者住宿係唔會比你入去架 我地諗都唔諗就Lur飯應啦，嘩嘩嘩！好興奮呀！ 經過左一條9曲13彎既路同埋幾個security check point 我地就到左啦！ 嘩嘩嘩 係傳說中既“帆船酒店”連路人都特別靚 為左顯得唔好咁大鄉里出城我地都盡量保持冷靜 唔亂影相 但真係聞名不如見面 好似入左去科幻電影晚既藍色世界 唔講咁多比相大家睇下: 其實呢個係噴泉 Cyber既感覺 圓圓的旅程
