圓圓的旅程 傳說見到北極光就會得到幸福 你信唔信? 我信我真係信 咁多年黎我都去冇停止去追北極光 2012芬蘭 (failed) 2013冰島 (failed) 2017俄羅斯 (finally) 所以鏡頭一轉,就要同大家分享我既下一段旅程--->上年(2019年)既杜拜Pre-wedding trip啦! 一直都想去沙漠影婚紗相,覺得係沙漠既夕陽下 同心愛既人親吻是一個很很很浪漫的回憶 睇過好多地方(連日本既鳥取都考慮過) 最後決定去杜拜,點解呢? D人好有錢所以被騙錢既機會會細D 相對地多外國人 大家都講英文 安全 (因為1同2而得出既結論) 除左沙漠仲有其他野睇 我之前去過uncontrollable variable會少D 話曬影Pre-wedding都係想開開心心出發快快樂樂回家,唔需要太多考驗既,愛的迫降咩。 揾左好多本地既公司,一般都係影台灣日本韓國巴黎。由於去沙漠影相既意志相當堅定一D都冇因為比人SELL而考慮而轉地方,我決定揾已經係當地既化妝同攝影(另一半見我決心咁大都冇特別意見 ,或者男人其實真無所謂)。 主要都係上網打keywords咁揾,一般都係唔同地方既外國人去杜拜開公司(沒有找到local的) 咁都好,大家可以用英文溝通。貨比三家之後，我地揀左用來自俄羅斯既攝影師同化妝師。 有攝影師同化妝師,一對新人又準備好,咁衫呢?場地呢?其他時間做咩好呢? 圓圓的旅程
