準備咗機票住宿同埋行李其實都差唔多可以出發啦 咁大家都知啦俄羅斯就講俄文又唔識講中文或者英文 點算呢點算呢? 好在而家科技發達用Google Translate就解決到呢個問題 除咗Google Translate之外,呢個旅程靠唔同嘅app幫咗我好多 1) 地圖 -莫斯科嘅話用"Google Map"已經好足夠 -去到摩爾曼斯克就要用佢地嘅 "2GIS"啦 呢個地圖準好多同埋會教你點樣用公共交通工具去一個地方 2)Call車App 喺莫斯科Uber或者Gett都好流行 明碼實價唔驚俾人呃錢 -去到摩爾曼斯克就要用call taxi APP "maxim"啦 現金交收都係明碼實價 佢會按路程你輸入嘅路程來收錢就算塞車價錢都係一樣 "Maxim"要入當地電話,所以記住買電話卡呀~ 3)北極光預告app 呢啲app會話俾你知邊日睇到北極光嘅機會比較高等你期待下:) 4)睇星星app "Sky Guide" 呢個app係之前Apple Store免費嗰陣download嘅 而家好似要收錢啊 當你睇北極光嘅時候如果天朗氣清就會見到天上面好多星星 呢個時候開呢個Apps就知道唔同嘅星座代表乜嘢 係咪好浪漫呢:P 5) 最後你見到圖入面最尾有個"TRANSPORT" (類似啦) -九巴 APP 既摩爾曼斯克版,有即時既巴士情況睇(APP STORE 搵:TROLL51 )