上回講到 有兩件事想做 1)去俄羅斯 2)去睇北極光 坐言起行 用咗唔夠一個月時間準備嘅俄羅斯北極光之旅就開始咗啦 今次我嘅目的地係俄羅斯北部一個終年不結冰港口嘅聞名城市 ❄️❄️❄️摩爾曼斯克(Murmansk)❄️❄️❄️ =====機票===== 喺莫斯科SVO機場再轉兩個鐘頭十五分鐘內陸機就到摩爾曼斯克啦 我兩程機都係坐俄羅斯航空嘅冇乜特別 貪佢平囉(加埋HKD5000幾咋:D) 兩程機之間我仲喺莫斯科逗留左兩日添 1)HKG-SVO (10hours 15mins) 2) SVO-MMK (2hours 15mins) ====住宿===== 可以選擇住酒店住air B&B又或者去極光基地 呢個城市唔係好大星級酒店得幾間,不過冇選擇有時反而係更好嘅選擇,唔使煩囉 1)Azimut Hotel Murmansk 全市最靚既酒店,坐落於市中心亦係呢個城市嘅其中一個地標 好多tour都會喺呢度出發亦都係旅行團主要住嘅地方 2)Airbnb 呢個係我嘅選擇因為平啲(大約$200一晚,住左4晚) 同有廚房煮嘢食 (係呀我一開始好擔心啲嘢食唔慣架) 好在遇到個幾NICE既HOST,仲幫我地用平價BOOK極光團 (4500rubles for 2, private tour,大概HKD600/2個人) 3)極光基地 咁我就搵到" Teriberka"一個比摩爾曼斯克再北小小嘅鎮(?) 住屋仔,打開門就係極光 包嘢食嘅一晚都好似成千蚊 (可以住4-6人架) 摩爾曼斯克夜晚有一班巴士去 (MON,WED,FRI) 朝早有一班巴士返摩爾曼斯克(TUE,THU) 本第身有少少想去" Teriberka",但係交通問題放棄左 =====衣物鞋履===== 話晒北極光只會出現0係北極圈入面 零下十幾20度就平常事啦 我準備左成gip衫但係發覺一半都用唔到...所以總結左一下應該帶咩 1)一對保暖又防滑防跣嘅鞋 0係咁凍又落雪同有積雪嘅地方先親或者仆親真係好平常嘅事,一對防跣 嘅鞋可以減少呢啲機會發生,咁仆親都痛架嘛 2)手套冷帽頸巾護膝 唔好睇小呢accessories, 寒風刺骨就係靠佢哋幫你頂住 **提議有抓毛嘅圍脖同冷帽 冇咁入風 3)厚襪 厚legging 呢個好重要所以要同其他accessories分開寫 每一次我都會着兩對厚襪兩條 Legging出街.... 4)防寒內衣羊毛內衣冷衫 呢D基本野就唔多講啦) 5)防風防水羽絨/褸 (呢D基本野就唔多講啦) 6)暖包(?) 我帶就帶左好多,不過冇用到...因為我係每一對物之間都包左幾層靜抹手用既廚房紙 暖包睇好多攻略都有介紹聽講痴係鞋底會好保暖 可以令你逗留多係雪地一陣 =====Last but o the least:錢===== 1) USD/EURO SVO機場同銀行都可以好方便地換錢 機場個價冇咁好不過要用都要換住少少先~ 2)信用卡 好多地方都收信用卡(MASTER CARD/VISA)所以我大部份時間都係俾卡~