我自問係一個立體圖白痴,永遠同老公講屋企裝修都雞同鴨講....佢又唔明我想表達咩,我又幻想唔倒佢既設計.....嘗試搵啲手機APP 幫幫手,但又成日有廣告,又彈APP....直到我上網搵倒Homestyler -線上免費家居設計軟件 Homestyler係Autodesk 係2010年出既家居設計軟件,ONLINE 版免費使用,如果你唔需要SAVE FILE 可以唔洗 email 註冊非常方便!! 加上youtube 已經有好多教學,連我冇任何設計概念都好易上手。 website: https://www.homestyler.com/ 當你一入去會見倒下面呢個畫面,可以唔洗 sign in > click "launch floor planner" ,我建議大家language 揀英文,因為中文版是完全不一樣的!!!! [gallery columns="1" size="full" link="none" ids="3355567" orderby="rand"] 下一步就再click "create new design",之後就會進入左個好似stecthup 咁既畫面。 首先,你見倒頂部有個menu bar ,揀 "create rooms" 畫左間屋既外皮先,之後可以輸入番個真實尺數。 左下角可以揀size單位(m/mm/cm/ft) 左邊係Tools bar,比較常用係上面第2-4個: building >窗口, 門,樓梯....有關係個牆上面既可以係度揀 Catalog >家私,擺件,裝飾 Style>牆身或地下顏色 右邊可以睇倒preview 3D,角度移度滑鼠調教,而方向就要郁係圖中間"藍色人仔"調教 以我屋企廁所為例,Click "create room" 入左自己尺寸,佢就會自動計好總面積,再好似玩sims 咁...你要放咩潔具,係左邊Catalog揀好就拉落去,再係右邊輸入番你既size (長, 闊, 高) 下面有個 "elevation" 係物件離地高度,鏡櫃/水龍頭/掛牆配件記得打埋呢個數字。 當你揀左個物件,平面圖同3D 圖都會有藍色邊提示,非常清楚!!! 當然你可以按3D圖加上方方格(四個箭咀向外指)....放大成個圖睇清楚。 當放大左個3D圖,最右下方有2個方格,你可以更改個preview 係"屋內看 "或是 "屋外看"。當你滑動滑鼠就可以zoom in , zoom out.... 你可以export 做DWG or 2D floor plan。如果你想save 低下次慢慢改....就按上menu bar "save"一下....如果你之前冇sign in,佢會叫你sign-in。下次log-in 後係file>open 內裡就可以搵番啦!!!真係好方便!!!!你地都試下=]