香港人特別鍾意食日本菜，如果食素就要記低中環這間，逢星期一至三供應高質素食放題，一個價錢任食二十幾道精緻素式，主食仲可以揀非常特別的西瓜扒，想食就即刻約朋友訂位啦！+++++【 Misskitb 粉絲專屬好康】 iherb 優惠碼：MIS8129全清85折+免運費：@misskitb+++++ 位於中環蘭桂坊的日本餐廳，已經開業多年了，素食放題最近轉了新餐牌，所以要來吃吃看。 紅色主調的裝修，新派日本設計，環境幾有型㗎。 身處23樓高層，景觀開揚，天氣好的日子可以看日落magic hour，想坐外面的話露台設少量座位。 逢星期一至三晚市供應的素食放題，每人可以揀一款主食，如果你同非素食朋友來，對方好想食魚生都可以滿足。價錢HK$480/位，飲品另外叫，加一服務費。 有幾款特價果汁飲品和酒精飲品。 Yuzu Sunrise HK$68/Strawberry Surprise HK$68飲品都是冰沙類果汁為主，我飲的柚子橙汁好清新，配日本菜唔錯㗎。 綠天使他他 / 菠菜沙律/日本海雲/冷奴這幾款前菜建議全部都試，日本海雲是一杯海藻，滑潺潺咁幾有趣。用生菜包的是一堆天婦羅粒粒，調味好好食，係脆脆地的沙律。菠菜的芝麻汁好重花生醬味，我幾鍾意。 墨西哥卷/雜菜天婦羅卷/辣味啦啦卷/山芋卷/秋葵卷/黑金卷六款壽司卷物都好特別，全部細細件很可愛。三角天入面有牛油果、辣椒和忌廉芝士，入口軟滑不過都幾辣嘅。另一款辣的是辣味啦啦卷，下面中間那舊，蔬菜感比較重。最好食我會推介秋葵卷(左下)，外面的腐皮有燒過，吃起來香口兼有獨特焦香味。另一個比較特別的是山芋卷(上中)，入面的山芋很爽口，味道特別。 京都獅子唐/豆腐/宮崎甜蕃薯/銀杏/素雞爐端燒各項都不錯，當中最普通可能係豆腐，上面有炸蒜香氣十足。這裡用的素雞是非常港式在豆品店買那種素雞，還以為是日本素肉啊，串燒燒得好好食，必須試下。 素菜盒主食之一素食盒有四道小菜，估唔到最好食係炸粟米配紫薯，我平常不大喜歡吃紫薯也覺得好吃，粟米也甜美和脆口。另外牛蒡蘆筍和炸芋頭都唔錯，沖繩苦瓜夾香蕉就有少少奇怪。 西瓜扒第一次食西瓜扒，我想像中以為係成片西瓜咁樣。原來西瓜肉要先脫水去乾水份，再用昆布豉油浸過。吃起來是軟滑一片肉感，醬汁是經典日式燒汁，我覺得很好吃而且未食過應該試下。 椰菜花天婦羅好大舊的椰菜花，熟度剛好唔會太草青或太軟爛，外面是甜酸醬汁，吃起來惹味。 紫蘇葉素雞天婦羅這個天婦羅很創新，味道我就覺得中規中距，唔太知點形容。 素餃子入面餡料唔算多，但有隻蒟蒻素蝦幾搞笑，煎得幾靚香口好味。 焗雜菌全晚最普通的一道菜，就係一堆日本菇類。 雜菜炒名古屋烏冬望落以為係河粉，原來名古屋的烏冬是扁身的！香港大概沒很多地方吃到，麵條咬落彈牙，麵汁都好好食。用這個價錢在蘭桂坊吃到高質素日本素食料理，好應該即刻約朋友和訂位啊。 加入Patreon付費會員看零廣告文章 https://www.patreon.com/veggirlclub+++++Follow me on Instagram @misskitb 下載港鐵沿線素食餐廳列表+++++ 餐廳資料KYOTO JOE地址：中環蘭桂坊德己立街30-36號加州大廈23樓 電話：28046800營業時間：12:00–14:30、18:00–00:00官網：https://lkfconcepts.com/pages/kyoto-joe FB：https://www.facebook.com/kyotojoelkfIG： https://www.instagram.com/kyotojoelkf/ 地圖： +++++ Δ 版權所有 (歡迎轉貼連結。嚴禁全篇圖文轉載！)Δ 廣告查詢：hello@veggirlclub.com Δ 邀訪 / 合作 請洽：misskitb@gmail.com
