這次去澳門入住皇都酒店，順路在酒店葡國餐廳安排一餐素食葡國菜，由沙律到湯到特色主菜到甜品道道有驚喜。特別推介個南瓜Lava蛋糕真係超好食！下次想再去食！+++++【 Misskitb 粉絲專屬好康】 iherb 優惠碼：MIS8129全清85折+免運費：@misskitb+++++ 一場去到澳門，點都想食下葡國菜，果然酒店餐廳就可以安排素食，環境仲咁靚好值得一試。 佔據一整層，座位好多，不過我見平日午市都幾多人，可能因為三道菜set lunch都只係百零蚊，想食的話都係預先訂位比較妥當。 有超長檯有大圓檯有包廂，非常適合聚會或宴客。 先來麵包盤，其實包都係其次，果三款橄欖油都幾好食，我最鍾意胡椒果個。另外個香草牛油和橄欖醬都超正，食到停唔到口。 甘筍西芹沙律伴香醋望落沒甚麼特別的沙律，入口充滿花生醬香氣，越食越好味，立時對餐廳充滿信心。這個沙律餐牌上沒有，不過餐牌有另一款素食沙律，詳情可能問返餐廳。 南瓜忌廉湯上桌的時候是一只空碟加三粒芝士，侍應在面前倒湯，五星級酒店就係要有theater。個湯飲落都好香，加埋芝士溶左就越飲越濃。 香煎菜餅配蘿蔔芽菜紅豆飯 MOP160這個有點奇怪的配搭，原來是葡國人的傳統素食料理，口感濕潤的燉飯入面有紅腰豆和各式蔬食，吃起來就好健康的感覺。炸的那個類似韓式煎餅，都係有個粉漿撈啲菜再煎，味道都唔錯。 咖啡就普普通通唔需要太大期望。 南瓜蛋糕配乳清乾酪及杏仁 MOP80我望到menu係南瓜蛋糕，一直以為係香糕南瓜蛋糕，無留意英文有寫lava，切開見佢流心先手快腳亂。蛋糕外面一圈係淡味芝士，剛好可以擋住個流心，擺盤設計非常有巧思。這個撈埋食真係超好食，好耐無食過咁驚喜的甜品，留下深刻印象。 加入Patreon付費會員看零廣告文章 https://www.patreon.com/veggirlclub+++++Follow me on Instagram @misskitb 下載港鐵沿線素食餐廳列表+++++ 餐廳資料 Fado花道葡萄牙餐廳地址：東望洋得勝馬路2-4號皇都酒店M樓 電話：+853 28552222營業時間：07:00 - 10:30 、12:00 - 15:00、18:00 - 23:00 (星期三休息)官網：https://www.hotelroyal.com.mo/dining/fado 地圖： +++++ Δ 版權所有 (歡迎轉貼連結。嚴禁全篇圖文轉載！)Δ 廣告查詢：hello@veggirlclub.com Δ 邀訪 / 合作 請洽：misskitb@gmail.com
