越來越多純素甜品推出市場，對素食者或蛋奶敏感人士來說都是福音，深水埗這間本土口味的「迆」純素雪糕店你又試左未？佢地最近新推凍檸茶×話梅和黑芝麻×豆腐幾個新口味，味道都好有驚喜啊！ +++++【 Misskitb 粉絲專屬好康】 iherb 優惠碼：MIS8129全清85折+免運費：@misskitbJoirme香薰蠟燭8折優惠：kitty2021找得意食譜/料理靈感：https://linkin.bio/ig-misskitb+++++ 雪糕店位於南楓樓地下，食飽飯可以行過去食杯雪糕做甜品。 入面以綠白為主調，空間感充滿感覺好悠閒舒服。 除了軟雪糕亦有少量蛋糕和樽裝飲品供應。 牆上焦點是這幅由本地插畫家繪畫的深水埗地圖，可以找到區內特色地標。 軟雪糕全部都是純素，口味會定期轉換，這天就剛好換了新口味。 雪條除了紅豆和海鹽焦糖之外，其他都係純素。 雪糕筒則係奶素，不吃牛奶的話可以用紙杯裝。 新口味都可以單獨或兩溝咁食，識食梗係揀扭紋，唔係點樣一次過食齊四隻味？ 妹子好檸迆：話梅味 + 凍檸茶味 去茶餐廳要叫凍檸茶，食純素雪糕都唔可以少左佢！每日在店內新鮮自泡的檸茶，茶底「少澀」檸汁香濃，我覺得單獨食起來都幾酸，如果你同我一樣鍾意酸野的話就OK，建議夾埋話梅一齊食會更平衡。話梅味中間食到粒粒話梅肉，又真係有古早鹹酸味。 日迆夜迆：黑芝麻味 + 豆腐味四款口味之中我覺得黑芝麻味最有驚喜，初頭仲諗住黑芝麻好普通，點知食落咁香濃咁突出，原來用左本地新鮮即磨黑芝麻醬，真係食得出個分別。豆腐味就有少少似飲豆漿，兩個口味夾埋脆米又幾清爽好味。深水埗咁多咖啡店，飲完咖啡都應該食杯雪糕平衡下，仲係純素對身體對地球都無負擔架！+++++餐廳資料「迆」雪糕專門店地址：深水埗界限街10F號南楓樓地下5號舖 營業時間：12:30 - 19:30 (星期一休息) FB：https://www.facebook.com/hea.ice.creamIG：https://www.instagram.com/hea_ice_cream/ 地圖： +++++ Δ 版權所有 (歡迎轉貼連結。嚴禁全篇圖文轉載！)Δ 廣告查詢：hello@veggirlclub.com Δ 邀訪 / 合作 請洽：misskitb@gmail.com
