之前去九龍城經過這間Cafe，見到有純素餐點環境又幾吸引，所以特登再去食。BLOSSOM 波甚咖啡 入面環境氣氛好舒服，個純素天貝椰菜花飯勁好食，暖暖的薑味拿鐵用真薑汁煮，飲飲下咖啡隔離鋪隻貓仲自己行入來，好有趣啊。 +++++【 Misskitb 粉絲專屬好康】 iherb 優惠碼：MIS8129全清85折+免運費：@misskitbJoirme香薰蠟燭8折優惠：kitty2021找得意食譜/料理靈感：https://linkin.bio/ig-misskitb+++++ 九龍城南角道現在很多咖啡店，搭屯馬線宋皇臺站一出就到，好方便啊。 入面原來都幾大間喎，有吧檯位可以同咖啡師傾偈，亦有沙發位可以幾個人食飯。 門口這張三角型木檯好得意。 入面好闊落都坐得幾舒服。 早餐都有素食和純素項目，這天11:20分來到，所以吃午餐menu。 午餐都有兩個純素菜式，不過下面個煙三文魚我唔肯定，可能會換其他野？定個三文魚係素食版？ 另外仲有甜品可以食。 冬天見到有個暖薑牛奶咖啡就想試下，除了咖啡亦有抹茶、黑芝麻和其他茶類。 暖薑牛奶咖啡 HK$50點餐的時候特登問清楚係真薑汁先叫，飲落唔會太辣，味道都幾夾，係飲到底咖啡凍左苦味會比較突出。 飲飲下咖啡見到外面有隻貓行過，仲企響門口叫你開門，原來係隔離鋪的街坊貓，據說日日都會自己走過來，我仲見佢在店員膝上陪看書，邊有咁他條架。 黑松露椰菜花飯配椒鹽天貝 HK$118 (vegan)我覺得天貝切薄煎香調味已經好好食，這個無得微微焦咬落都幾好口感，良好蛋白質get！椰菜花飯香氣十足，中間有很多大粒杏鮑菇，咬落去有彈牙口感，飯亦做得爽身，上面灑了很多營養酵母夾埋勁好食，推薦推薦。原來九龍城很 Vegan Friendly，咖啡店的食物仲做得好有水準，果然係美食之城！下次再來食早餐先！+++++餐廳資料BLOSSOM 波甚咖啡地址：九龍城南角道45 號電話：+852-2816-5138營業時間：08:00–18:00 FB：https://www.facebook.com/Blossom.4HK/IG： https://www.instagram.com/blossom.4hk/ 地圖： +++++ Δ 版權所有 (歡迎轉貼連結。嚴禁全篇圖文轉載！)Δ 廣告查詢：hello@veggirlclub.com Δ 邀訪 / 合作 請洽：misskitb@gmail.com
