香港地想食精緻西餐有平亦有貴，今日就約朋友去佐敦吳松街這間親民西餐Cafe，主食都有一、兩款蔬食之選，不過我睇中既當然係期間限定芒果班戟。 +++++【 Misskitb 粉絲專屬好康】 iherb 優惠碼：MIS8129全清85折+免運費：@misskitbJoirme香薰蠟燭8折優惠：kitty2021找得意食譜/料理靈感：https://linkin.bio/ig-misskitb+++++ 由佐敦地鐵站D出口，沿住柯士甸道行少少就搵到，門口外面剛好搭棚裝飾，如果唔係應該更吸睛。 餐廳面積都算大，這天我和朋友正午12 點行入門口，所以容易搵位，之後好快都已經坐滿晒人，又幾受歡迎咁樣。 餐廳裝修簡單，但都有少少文青感。 有卡位坐約朋友食飯傾偈都幾舒服。 樓上好似仲有坐位，但我就無行上去睇了。 午市套餐由HK$58 起，最貴食牛扒都只係 HK$148，仲附餐湯餐包和$32飲品，區內應該都算平民價。 因為午餐無素食，所以睇餐牌散叫，有薄餅和意大利飯可以揀。 晏少少入座食下午茶餐好似更抵，鹹食之外都有唔同口味班戟可以揀。 咖啡飲品選擇都幾多，仲可以加配漂浮棉花糖。 咖啡飲品選擇都幾多，仲可以加配漂浮棉花糖。 是日餐湯是南瓜湯，餐包竟然係黑麥包，都有少少心思。 美國安格斯肉眼牛扒配紅酒燒汁(薯菜) HK$148朋友係食肉獸就梗係揀牛扒，五成熟都偏熟。這裡的薯菜即是薯蓉，配秋葵和橙色車厘茄又幾盞鬼喎！ 芝士番茄薄餅 HK$98薄餅有少少驚喜喎！批底就唔好要求太高，佢係簡單的薄脆麵包，咬落都OK既。上面有新鮮番茄醬加上頗厚的番茄片，芝士亦夠重手，仲有幾條沙律菜食，整體來算係一個讓人滿足的薄餅。 薑蜜茶 HK$58熱花茶成壺上，茶包使用 Mighty Leaf 品牌，仲附埋包裝無呃你。 仲夏芒果班戟配雪糕 HK$98期間限定芒果班戟賣相都幾澎拜喎！上面有大大件芒果肉，仲有雲呢拿雪糕和超厚的一層忌廉，啖啖都有醬食得幾爽。下面係好大疊美式班戟，味道都香口既，份量夠兩個人分享食。 鮮奶咖啡 HK$46 / 藍莓芝士蛋糕 HK$48午餐可以加錢配芝士蛋糕，藍莓醬都幾足料架！我就叫左杯咖啡配班戟，深焙風味奶泡濃厚，配甜品係唔錯。我平時唔多行入柯士甸道的橫街，原來都幾多野食，今次發現這間親民西式Cafe又可以介紹俾朋友啦。+++++餐廳資料 Plato Cafe Bistro 地址：佐敦吳松街186號至188號地下 電話：+852-2388-8269 營業時間：11:30–23:00 FB：https://www.facebook.com/plato.woosung/ IG：https://www.instagram.com/platocafebistro_woosung/ 地圖： +++++ Δ 版權所有 (歡迎轉貼連結。嚴禁全篇圖文轉載！) Δ 邀訪 / 合作 / 推廣 / 聯絡請洽：misskitb@gmail.com
