其實我唔太介意葷食朋友同檯食飯大魚大肉，總之我食得飽就無問題，你唔可以逼所有人認同你的選擇嘛。之前都已經食過兩次 The Salted Pig，餐牌好多素食菜式可以揀，吃葷吃素都滿足，適合約唔同飲食習慣的朋友用餐。我最鍾意佢地大碟夾抵食，煮蔬菜仲煮得好好食，朋友食肉我可以自己食晒成個沙律同成碟素肉醬意粉不知幾爽幾開心！ +++++【 Misskitb 粉絲專屬好康】 iherb 優惠碼：MIS8129全清85折+免運費：@misskitbJoirme香薰蠟燭8折優惠：kitty2021找得意食譜/料理靈感：https://linkin.bio/ig-misskitb+++++ 好久沒來沙田新城市廣場，商場好似裝修好耐都未裝修完，上七樓以為要轉好多層，原來火車站出來上幾條電梯就到，勁快搵到餐廳。 餐廳12點我和朋友準時報到，入座不久已經滿晒人，估唔到平日午市都幾受歡迎喎！ The Salted Pig 係一間主打豬肉料理的餐廳，難得佢地有 Green Pig Menu，即係素食新豬肉都唔放過，方便素食人士跟同事食飯。 午餐套餐份量都幾大，食素的話最平 HK$88 就可以落樓，仲包飲品添。 外國style的餐廳午市已經有酒飲，揀杯招牌雞尾酒試下！ 瘦豬豬菠菜藜麥沙律 HK$113前菜本來想食原個焗椰菜花，因為之前食過一次覺得好正好想再食，可惜無貨所以試下這個瘦豬豬沙律，吃菠菜+維他命C 補鐵質！入面都幾多西柚肉、紅菜頭、烤杏仁和車厘茄，色彩繽紛又營養豐富，我後來撈埋落素肉醬意粉食覺得好夾。 新豬肉肉醬意粉 HK$168間中就想食下肉醬意粉，這裡用了新豬肉做肉醬，個汁都幾多又夠濃香，撈意粉啖啖好滋味！ Guava Royale HK$98 / The Salted Pig's Tea HK$88女仔講心事梗係叫杯雞尾杯飲下，我揀左粉紅色的 Prosecco 氣泡酒溝番石榴汁，清爽又好飲，女仔應該都會鍾意。朋友飲都幾勁的長島冰茶，原味看起來就像凍檸茶一樣。 招牌德國鹹豬手、烤薯、酸菜、芥末籽忌廉汁 HK$308 (一公斤適合二人享用)招牌德國鹹豬手原來要經過三日三夜鹽水沉漬、低溫慢煮再高溫油炸，真係幾多重功夫，難怪賣相咁靚仔啦！朋友一個女仔都食得晒成隻就知有幾好食。而我就推介碟上面的紅蘿蔔，我咁憎紅蘿蔔都覺得佢地煮得好好食，實在非常出色。 瘋狂！香蕉雪糕新地 HK$88甜品都係美式餐廳澎湃肥仔風格，窩夫超級香脆，配雲呢拿和朱古力雪糕，令人非常滿足的完結這一餐。因為食唔到個焗原個椰菜花，我諗要搵日再約朋友去幫襯下先得啦！+++++餐廳資料 The Salted Pig 地址：沙田沙田正街18號新城市廣場一期7樓702號舖 電話：2808-4255 營業時間：12:00 - 22:00 官網：https://thesaltedpig.com.hk/ FB：https://www.facebook.com/thesaltedpighk/ IG：https://www.instagram.com/thesaltedpighk/ 地圖： +++++ Δ 版權所有 (歡迎轉貼連結。嚴禁全篇圖文轉載！) Δ 邀訪 / 合作 / 推廣 / 聯絡請洽：misskitb@gmail.com
