發現新的純素薄餅,即刻集個郵打卡先!放假去將軍澳澳南海岸行下,這一帶越來越多好靚的Cafe和餐廳,The Pizza Pig 就是其中一間。打開餐牌發現都幾多素食,竟然仲有純素薄餅,當然即刻要試下!找得意食譜/料理靈感:https://linkin.bio/ig-misskitb++++++++++++++++++++++++++++++++++++++++++++++++++++++++++++++緊貼最新鮮早餐與蔬食旅遊情報 按讚我的粉專:https://www.facebook.com/breakfastland追蹤我的IG:https://www.instagram.com/misskitb/【 Misskitb 粉絲專屬好康】 。iherb 優惠碼:MIS8129。Airbnb優惠:https://www.airbnb.com.hk/c/kchan906直接資助支持優質內容 ++++++++++++++++++++++++++++++++++++++++++++++++++++++++++++++ 在海邊的餐廳也要加點港灣風情,藍白配色充滿度假風,門口這個位方便帶寵物用餐,打卡仲幾靚添。 餐廳面積都幾大,一家大細來食都無問題,近門口這邊可以望到半開放式廚房,睇下pizza點樣焗出來。 靠窗的位置採光好,望住出面的樹景吃飯都特別寫意。 餐廳有各種不同的座位,有卡位檯也有半圓位置。 中間這個藍色圓拱形都幾有希臘風情。 出面成四十度,坐低當然先望下有甚麼夏日特飲,這四款看起來都蠻好喝,色彩繽紛的,有無酒精都有選擇。 餐牌上面都唔少有綠葉標記的餐點,食素的朋友來到都唔驚無野食。 主菜都有 Impossible Burger 呢。 Passion Apple HK$58 / Minty Grape HK$58粉紅色的是熱情果+蘋果+桃+士多啤梨,果汁果肉打成冰沙,酸酸甜甜果香十足。綠色的是薄荷+提子+青檸+蘋果汁+蜜糖柚子,飲起來好清新,味道好豐富。 Green Pig Omnipork HK$168食薄餅通常都有素食選擇,最基本的Margherita或者幾重芝士,但竟然俾我發現有新豬肉pizza,望清楚連芝士都轉埋純素,當然好奇心大發要試試看。長方形薄餅批底夠薄脆,番茄醬清香,新豬肉都幾足料,這個純素芝士都做到半溶效果,整體味道都唔錯,想食純素pizza可以來試試。 Spinach & Artichoke Cheese Dip HK$128本來想食我最愛的Burrata Cheese,可惜剛好無貨,所以試下這個新奇雅枝竹 Dip,佢其實係一個用蔬菜和芝士打成的醬,配麵包食或者點薯條都可以。個醬油分充足,味道濃郁,直接食可能太重口味,但配麵包就剛剛好。 Grilled USDA Prime Filet Mignon HK$328朋友吃牛扒,配菜份量都幾多,又有烤番茄和洋蔥都幾正。我偷食個薯條覺得好脆好好食喎,有水準呀下。 這間餐廳的餐點份量都幾大,完全係外國人胃口,真係幾適合一家大細或者幾個朋友來食,分享吃最開心。 Tiramisu HK$88連甜品都好大舊,Tiramisu 口感好好,有咖啡味有芝士味有蛋味,味道略甜,整體來說我都幾滿意。將軍澳澳南海岸這一帶其實真係幾悠閒舒服,放假約朋友去海邊餐廳食個純素薄餅,已經係令人滿足的生活小確幸。 +++++餐廳資料 The Pizza Pig 地址:將軍澳澳南海岸唐俊街23號MONTEREY Place 地下G10-11號舖 電話:11:30 - 22:00 營業時間:+852-2611-9791 官網:https://thepizzapig.com.hk/ FB:https://www.facebook.com/thepizzapighk/ IG:https://www.instagram.com/the_pizza_pig_hk/ 地圖: +++++ Δ 版權所有 (歡迎轉貼連結。嚴禁全篇圖文轉載!) Δ 邀訪 / 合作 / 推廣 / 聯絡請洽:misskitb@gmail.com