鍾意食意大利雪糕的你要留意了!Holly Brown 最近推出一個雪糕任食的 set dinner,主食有兩款蛋奶素,食完之後意大利雪糕可以一杯接一杯,我就食左六球,你諗住食幾球呢?找得意食譜/料理靈感:https://linkin.bio/ig-misskitb++++++++++++++++++++++++++++++++++++++++++++++++++++++++++++++緊貼最新鮮早餐與蔬食旅遊情報 按讚我的粉專:https://www.facebook.com/breakfastland追蹤我的IG:https://www.instagram.com/misskitb/【 Misskitb 粉絲專屬好康】 。iherb 優惠碼:MIS8129。Airbnb優惠:https://www.airbnb.com.hk/c/kchan906直接資助支持優質內容 ++++++++++++++++++++++++++++++++++++++++++++++++++++++++++++++ 中環士丹利街 Holly Brown 由中環地鐵站行過去好方便,或者你中環返工可以約朋友放工去試。 餐廳環境幾闊落,座位都好多,坐得舒服。好耐無來食,原來加左舞台可以有 live band 表演,疫情完左就可以來聽音樂食飯。 沙發位都幾靚仔喎,亦都幾好坐。 新推出的 Set Dinner 有蛋奶素也有肉,吃素的本人有兩款揀,可以食青醬意粉或者素漢堡。吃肉的朋友就有肉有海鮮,我見隔離檯好多人叫原來燒春雞,賣相都幾豐富。 重點項目當然係店內招牌意大利雪糕,望下今晚有咩口味先! 套餐有附飲品,咖啡、茶、果汁和汽水都不需要加錢,凍飲一般要加 HK$8。 套餐可以揀湯或沙律,因為我個素漢堡有沙律,所以我揀左是日粟米忌廉湯。 Impossible Burger with Fries and Salad HK$198 Impossbile Burger 和麵包看起來都煎得好脆口,不過咬落去又無想像中咁硬,漢堡麵包中間都幾香軟。素漢堡餡料算簡單,只係厚厚一層生菜和蕃茄,Impossbile 上面有半溶芝士幾有心思。薯條份量都幾多喎,仲加左少少味粉唔單調。 我原先以為個酸瓜就係沙律,問一問先發現漏左,有個菜食就更豐富了。沙律汁酸酸甜甜,又帶有水果香,吃起來很清新。 Surf and Turf HK$350朋友吃牛扒加海鮮,份量適中女仔都食得晒。除了肉和薯條亦有些許蔬菜,色彩繽紛都幾靚。 重頭戲來了!意式雪糕任食原來有「點心紙」自己剔!每次落單可以揀三球唔同口味的雪糕,雪糕口味就要睇返每日供應,全部都好吸引喎!好彩任食可以食晒自己想食的口味! 雪糕用玻璃杯仔,迷你雪糕球份量唔多,方便你食多幾杯食晒所有口味!我鍾意食朱古力所以朱古力係必點,雲呢拿口味偏甜,烏龍茶味茶香十足幾有驚喜。 見烏龍茶幾好味,又試埋個抹茶先!味道果然都好香濃,估唔到意大利雪糕做茶味都做得唔錯,而且口味唔會太甜,適合唔食好甜的朋友。Holly Brown 的意大利雪糕一向出名好食,宜家有這個任食套餐,係時候約雪糕 buddy 都挑戰極限啦!你諗住食幾多球先? +++++餐廳資料 Holly Brown 地址:中環士丹利街22號 電話:+852-2869-9008 營業時間:11:00–22:00 官網:http://www.hollybrowncoffee.com/ FB:https://www.facebook.com/hollybrowncoffee/ IG:https://www.instagram.com/hollybrowncoffee/ 地圖: +++++ Δ 版權所有 (歡迎轉貼連結。嚴禁全篇圖文轉載!) Δ 邀訪 / 合作 / 推廣 / 聯絡請洽:misskitb@gmail.com