平時都少上旺角樓上Cafe搵食，認真搵下原來都有唔錯的素食。這間 5% Cafe 除了不可能漢堡好好食，環境都幾闊落又有 Board Game 玩，如果要約朋友聚會真係個好去處。++++++++++++++++++++++++++++++++++++++++++++++++++++++++++++++緊貼最新鮮早餐與蔬食旅遊情報 按讚我的粉專：https://www.facebook.com/breakfastland追蹤我的IG：https://www.instagram.com/misskitb/【 Misskitb 粉絲專屬好康】 。iherb 優惠碼：MIS8129。Airbnb優惠：https://www.airbnb.com.hk/c/kchan906直接資助支持優質內容 ++++++++++++++++++++++++++++++++++++++++++++++++++++++++++++++ 5% Cafe 在一楝商廈的2樓，同大廈都有好幾間餐廳，升降機只有一部繁忙時間等得比較耐，但二樓行樓梯都無問題。 入面有大量各式各樣 Board Game 可以借用，現在大家都要留港搵活動，上來玩 Game 吹水消磨時間都唔錯丫。 入面空間都幾闊落，而且全部係梳化位坐得幾舒服。 入面面積都幾大喎，中間柱位間開一個個區域，圍內自己玩自己都有私穩度。 餐廳各處都有向街的窗，整體採光都唔錯，仲可以望住繁忙的旺角街景。 我覺得最靚就係這個角落位，當你平日好悠閒咁食 lunch ，然後望住下面馬路好多人好忙的樣子，總覺得特別寫意。 素食選擇基本上就只有一個 Impossible 植物肉芝士漢堡配薯條，唔洗揀無煩惱。 晚餐都一樣有不可能漢堡，另外仲有個黑松露野菌忌廉汁長通粉。 飲品都幾有特色喎，而且配搭看起來幾健康。 凍飲有好多款都好靚好打卡-able，彩虹色和紫色都幾吸引。 除了特色飲品，原來仲有咁大版飲品可以揀，旺角樓上Cafe就係咁有彈性。 散叫小食類都有幾款素食選擇。 Hot Matcha Mocha HK$56漸層抹茶特飲除了影相靚之外，配搭都非常有創意，佢係以港式鴛鴦紅茶撞咖啡為靈感，改用抹茶撞摩卡，飲起來味道都夾架！上面層 Cream 都好正。 Impossible 植物肉芝士漢堡配薯條 HK$128(set)不可能漢堡看起來有黃有綠都幾吸引，一咬落去就覺得味道好有誠意！估唔到都整得幾好食喎！首先佢個汁夠晒多，一邊食一邊滴到成檯都係，但就夠晒惹味。再來係佢有雙重芝士，芝士控當然好滿意。塊素肉排都煎得幾好食架。 Lunch Set 主菜包 HK$40 以內飲品，這杯要補差價。甜品加 HK$28 就有得食，這天有提拉米蘇和梳乎厘芝士蛋糕揀，平時係食完正餐先上，不過我想影相先就跟主食一齊上。 梳乎厘芝士蛋糕 HK$28(跟餐選配)芝士蛋糕帶點日式感覺，中間很軟很綿，芝士味唔算超級濃郁亦無太甜，整體來說中規中距啦。好耐都無見班朋友，想搵個地方坐低交換返近況？旺角地點方便樓上Cafe又好坐，仲有素食方便食肉唔食肉的朋友呢。 +++++餐廳資料 5% Cafe 地址：旺角彌敦道577號高氏大廈2樓 電話：+852-2783-9873 營業時間：12:00–21:00 官網： FB：https://www.facebook.com/5percentcafe IG：https://www.instagram.com/5percentcafe/ 地圖： +++++ Δ 版權所有 (歡迎轉貼連結。嚴禁全篇圖文轉載！) Δ 邀訪 / 合作 / 推廣 / 聯絡請洽：misskitb@gmail.com
