深水埗又有新咖啡店啦！這句說話好似隔日就要講一次，真係住樓上都跟唔切。今次介紹這間在荔枝角道，前身原來係民興針車行，第三代傳人接手改造成型格咖啡店，入面仲擺左幾架舊色衣車讓你緬懷過去，餐點仲竟然係生酮友善，都幾特別喎！ ++++++++++++++++++++++++++++++++++++++++++++++++++++++++++++++ 緊貼最新鮮早餐與蔬食旅遊情報 按讚我的粉專：https://www.facebook.com/breakfastland 追蹤我的IG：https://www.instagram.com/misskitb/ 【 Misskitb 粉絲專屬好康】 。新用戶輸入ubereats優惠碼「dnahk216j2atb」，首筆訂單滿 HK$150即減 HK$100 (到3/31) 。iherb 優惠碼：MIS8129 。Airbnb優惠：https://www.airbnb.com.hk/c/kchan906 支持優質內容 ++++++++++++++++++++++++++++++++++++++++++++++++++++++++++++++ SO Coffee & Gin 位於荔枝角道近石硤尾街交界，轉角就係最出名的大排檔愛文生，咖啡店隔離係二手電器鋪和洗衣店，非常突出好多街坊經過都會好奇是甚麼。 入面係工業風水泥裝修，牆身有露出底層結構和水管冷氣喉之類，最有趣係牆角有種小青苔。 店內以單邊座位為主，再行入裡面有樓梯底設計的位置。 因為前身係民興針車行老店，所以咖啡店都用衣車做主題，一樓牆上有這架拆散的舊衣車。 餐牌內頁可以找到咖啡店的背景和故事。So Coffee & Gin 目前是試業營運，4月5日才會正式開業。 樓梯底的位置都幾有特色。 咖啡店共有兩層，上閣樓這道樓梯有很raw的設計，天花的雲朵吊燈都好搶眼。 延續各種衣車古董收藏，很多來深水埗逛街的都是手作人，舊衣車應該非常合口味。 閣樓比較像展覽空間，目前只有投影機裝置。 你有無見過這種舊針車呢？ 閣樓空間都幾大，亦設有幾個座位可以坐。 坐在這邊可以居高看街上的人車走動。 由閣樓望返落地下的景觀。 餐點竟然大部分都係 KETO 之選真係估佢唔到喎，不過全部都有肉並無素食。 飲品除了咖啡還有個威士忌茶幾特別。 甜品最有特色應該係港式奶茶瑞士卷，我見堂都會有擺盤幾靚架。 今日甜品 Quota 已用完，下次再試蛋糕。 Mocha HK$38 最近開始間中叫 Mocha 飲下，估唔到飲左幾間都有驚喜，唔係求其用朱古力粉就算。這裡就用了70%比利時朱古力，飲的時候超香濃朱古力味，真係黑朱古力唔會甜，好似飲緊朱古力咁，雖然朱古力控好鍾意但我覺得搵埋咖啡味出來會更好。 某日見到出左早餐餐牌，有純素選擇之餘仲可以轉生酮麵包或低碳貝果，看起來新奇又吸引就入去食下。 SO Coffee & Gin 試業左一排，餐牌甚麼的間中就會變下，最近推出左早餐系列，08:30 - 11:30 都有得食。 這間咖啡店最特別的地方係有 KETO 餐點，當中亦有 VEGAN 選擇。早餐時段免費送黑咖啡，其他飲品亦有半價，仲可以加錢轉生酮麵包和低碳貝果，看起來非常有趣當然要試試看。 飲品的部分都有生酮防彈咖啡，真係無諗過深水埗都咁前衛。咖啡轉杏仁奶或燕麥奶都係加 HK$2，幾抵。 每日新鮮出爐牛角包，配杯黑咖啡就係法國人食的早餐。 Latte 這間咖啡店前址係針車廠，所以用衣車做主題，地下這面牆有一部解體左的舊衣車，好適合做背景影相。 順帶一提，這間的咖啡於區內算大杯，CP值比較高。 鮮菇菠菜黑麥包 HK$48 (轉低碳比高烘包 +HK$25) 現在有VEGAN選擇實在太好了，無買菜或者唔想煮的時候可以落樓食，這款有蘑菇片、菠菜和番茄片，Toppings 配原本的黑麥色都係 VEGAN。要留意返，如果轉 KETO 包就應該唔係，因為KETO包通常用好多雞蛋、芝士和牛油。 這次轉了低碳貝果，它雖然是有個洞的麵包圈，但當然無真貝果的煙韌口感，低碳貝果咬起來比較脆身，本身有香味，味道唔錯但就唔會期望佢同真貝果一樣。下次再試下生酮麵包先。 最後送上低碳貝果的大頭照。 其實如果生酮的話唔應該食咁多烘焙野，所以我自己都好少焗，間中出街試下滿足好奇心，亦可以放心食飽飽又保持低碳狀態。 +++++ 餐廳資料 SO Coffee & Gin 地址：深水埗荔枝角道221號 電話：+852-5595-5756 營業時間：08:00 - 18:00 官網：https://socoffeegin.com/ FB：https://www.facebook.com/socoffeegin/ IG：https://www.instagram.com/socoffeegin/ +++++ Δ 版權所有 (歡迎轉貼連結。嚴禁全篇圖文轉載！) Δ 邀訪 / 合作 / 推廣 / 聯絡請洽：misskitb@gmail.com
