你可能都有食過 Blendit 的手工貝果，唔係自己買都可能在文青咖啡店吃過。這個品牌除了出品各款口味的自家製紐約Style貝果，也有賣各種用來打果昔的超級食物粉，也可以找到不少本地品牌特色醬料，堅果香料五榖類等又可以自備容器祼買，最適合注重營養健康飲食和保護環境的好寶寶。++++++++++++++++++++++++++++++++++++++++++++++++++++++++++++++緊貼最新鮮早餐與蔬食旅遊情報 按讚我的粉專：https://www.facebook.com/breakfastland追蹤我的IG：https://www.instagram.com/misskitb/【 Misskitb 粉絲專屬好康】 。新用戶輸入ubereats優惠碼「dnahk216j2atb」，首筆訂單滿 HK$150即減 HK$100 (到3/31)。iherb 優惠碼：MIS8129。Airbnb優惠：https://www.airbnb.com.hk/c/kchan906支持優質內容 ++++++++++++++++++++++++++++++++++++++++++++++++++++++++++++++ Blendit 之前在大角咀匯豐中心對面，我成日都會路過，不過舊店好細入面只容納到一個人身位。她們最近就搬到太子荔枝角道，都係我會成日行過的地方，早排已經見到在裝修，開業之後我終於再次路過，就入去八卦下影幾張相。 太子店有兩層喎，入面空間好廣闊，上面閣樓會用來做市集空間，可以留意返店家自己的社交媒體更新。 大角咀店的招牌就是這架綠色貨Van，沒想到也將整架車移型換影過來，貨車上面亦延伸出更多景象，賣健康食品的地方都可以好有藝術感。 另一面牆都有畫畫，店內暫時還未有新鮮貝果賣，定我今日經過未有，之後應該會上架吧。 貨車隔離的層架放新鮮蔬果，暫時只有牛奶蕉、車厘茄和紅菜頭之類。 中間這區是超級食物區域，一樽樽全部是不用顏色的超級食物粉，常用不常用都好齊全。份量少的話可以磅重散買，另外也有一個月份量的大包裝，視乎每個人打果昔的習慣。 架子說有磅粉指南和各種用具，跟住指示就OK，都唔難既。 店內有玻璃樽可以買，也有紙袋，當然你可以自備容器啦！ 超級食物粉一般會拿來打果昔，每種都有唔同功效可以自己配搭。當然你也可以拿來煮食，我就主要拿來幫食物變色造型，搵日來磅藍色粉返去玩先！原來藍藻比蝶豆花藍咁多！可唔可以賣埋青黛呢？ 除了粉之外，這區有堅果、棗類、五榖類等，同樣磅重祼買。 貨架上找到不少眼熟的品牌，當中有很多都是本地手工品牌，酒釀我都有諗住買，但未諗到煮咩食。中間個純素芝士醬都好似幾好食。 堅果醬、植物奶、果汁和茶包等。 ZERO 洗髮皂，各式沙律醬、鹽、糖等調味料。 凍櫃入面有冷凍貝果，冷凍其實幾方便，食的時候可以用電飯煲，或者噴少少水放入焗爐都得，一樣好食。 各類香料也要以磅重祼買呢！你可以帶返原本的調味樽來裝返滿，減少浪費。今個月是地球月，正好關心一下地球，不如就去逛逛祼買商店，開始實踐環保生活啦！ +++++資料 Blendit 地址：太子荔枝角道73號 電話：+852-5334-0188 營業時間：11:00–19:30 官網：https://blendit.hk/ FB：https://www.facebook.com/blendithk/ IG：https://www.instagram.com/blendithk/ 地圖： +++++ Δ 版權所有 (歡迎轉貼連結。嚴禁全篇圖文轉載！) Δ 邀訪 / 合作 / 推廣 / 聯絡請洽：misskitb@gmail.com
