一直都好掛住 Giovanni Pina 的米蘭直送咖啡，終於都再有機會約朋友來吃，這才發現餐廳有好幾款素食餐點(蛋奶素)，意大利飯真係濃厚好味，當然都唔可以錯過精緻正宗意大利甜品，每一件都充滿愛心架！++++++++++++++++++++++++++++++++++++++++++++++++++++++++++++++緊貼最新鮮早餐與蔬食旅遊情報 按讚我的粉專：https://www.facebook.com/breakfastland追蹤我的IG：https://www.instagram.com/misskitb/【 Misskitb 粉絲專屬好康】 。新用戶輸入ubereats優惠碼「dnahk216j2atb」，首筆訂單滿 HK$150即減 HK$100 (到3/31)。iherb 優惠碼：MIS8129。Airbnb優惠：https://www.airbnb.com.hk/c/kchan906支持優質內容 ++++++++++++++++++++++++++++++++++++++++++++++++++++++++++++++ 平日來尖沙咀K11 musea很舒服，環境闊落又沒甚麼人，也不用擔心餐廳要排隊。 這間咖啡店在商場那個大波波旁邊，外面的座位好適合影壯觀打卡相，坐入面就比較適合正式食飯。 Giovanni Pina 這個品牌來自意大利米蘭，品牌的傳人都由意大利來港親自掌陀，所以甜品蛋糕很有水準，必須留肚食。 圓形小蛋糕和切餅口味眾多，外型設計雖然無法國甜品咁 Fancy ，但製作技巧和手工同樣講究。 這些酥餅屬店內招牌，手工酥皮多達144層，全香港只在這裡吃到，大廚每日都要在餅房摺來摺去，咁辛苦一定要試下，入面個吉士我都好鍾意食。 意大利式的牛角包不似法式牛角包那麼重牛油，吃起來比較實在，口感味道各有特色。 我上次來好像沒有見到意大利雪糕，但夏天就快來了，所以雪糕也出現了，口味看起來也蠻特別。 如果喜歡店內的米蘭咖啡，原來也可以買回家自己沖，這裡有賣咖啡豆、咖啡粉和咖啡膠囊，回家想點飲都可以。 餐牌以肉食和海鮮為主，不過每個項目都有一款蛋奶素食之選，特別適合戒不掉芝士的人。 一坐低當然叫杯咖啡飲下先，朋友就叫左果茶，估唔到個茶壺真係同水果一樣！據說是意大利手工製作，一個都唔平架！ Pasticcini Mignon HK$128/12件又話食完飯先食甜品，不過朋友太想食就落左單先，一盤12件各種口味都吃得到，我自己就最鍾意吉士卷和雜果撻。 意大利傳統手工黑松露流心芝士飯糰 HK$108這個是意大利人傳統小食，通常將吃剩的意大利飯弄成波波，炸成香口小食呃小朋友。這個用了黑松露飯，咬落去香氣十足，中間中有拉絲芝士！旁邊有個黑色的黑松露蜜糖醬，點埋就更好食。 迷你水牛芝士波車厘茄香醋珍珠洋蔥沙律配迷迭香油醋汁 HK$128沙律看起來雖然簡單，但個油醋店超好食，當然入面好多芝士亦深得我心。特別介紹黑色一粒粒像黑蒜的東西，它其實是「香醋珍珠洋蔥」，同黑蒜有差不多的功效，吃下去也真的勁度十足，我喜歡這種酸味。 藍芝士雅枝竹香草包配甜薯條 HK$128非常有份量的三文治！厚厚是意大利香草麵包，中間夾了香港比較少地方吃到的雅枝竹，最正仲係個藍芝士，味道超級香濃，唔鍾意藍芝士的話唔好亂試。 牛肝菌意大利飯 HK$148本來想食黑松露飯，可惜意大利新鮮黑松露剛好沒貨，所以今次試牛肝菌。飯上面有一片片大隻牛肝菌，用一個甜甜的醬煮得入味，意大利飯粒軟硬適中，每一粒都有汁包裹著，味道芳香濃郁。 2種口味意大利雪糕 HK$68甜品時間由意大利雪糕開始，我揀了朱古力配莓果，非常穩陣的配搭。這裡的朱古力雪糕夠晒香濃又幾有驚喜，配搭莓果唔會太酸，兩個一齊幾好食。 Tiramisu HK$52最近在研究哪一間意大利餐廳的 Tiramisu 最好食，這間原來比較反傳統，不是很 creamy 那種 Tiramisu，它是多層薄薄的海綿蛋糕和忌廉組成，吃起來層次豐富，甜度唔會太高也香氣十足。 蛋白檸檬撻 HK$52嘩這個檸檬撻真係要特別推介，由頭到腳都勁好食，批底香脆有水準，中間有酸甜新鮮莓果，最好食當然係清甜的蛋白檸檬霜，唔會好酸但有種特別的淡淡清香，好有驚喜！ 來看看這兩件蛋糕的橫切面，入面好多層次功夫都唔少架。Giovanni Pina 在尖沙咀和荃灣都有分店，想吃精緻又帶點休閒感的意大利料理；想食正宗意大利酥餅和甜品；或者純粹想飲一杯由米蘭來的咖啡，都是一個好地方。 +++++餐廳資料Giovanni Pina 地址：尖沙咀梳士巴利道18號Victoria Dockside K11 Musea2樓217號舖 電話：27551123 營業時間：11:30 - 21:00 官網：https://pasticceriagiovannipina.it/ FB：https://www.facebook.com/GiovanniPinaHK IG：https://www.instagram.com/giovannipinahk/ 地圖： +++++ Δ 版權所有 (歡迎轉貼連結。嚴禁全篇圖文轉載！) Δ 邀訪 / 合作 / 推廣 / 聯絡請洽：misskitb@gmail.com
