香港和韓國的距離說遠不遠，說近又不當然不及台灣近。J 選搭Jin Airlines，貪其起飛離港的時間是下午 1 點 30 分，到達韓國亦只是當地時間 6 點左右 （注意韓國的時區比香港快 1 小時）。 雖然到韓日子臨近中國的 10.1 長假，但意外地入境旅客人數相當少，過關不用排隊，約5 分鐘就完成過關手續。（這也可能與韓國入境部門進行了分流處理有關～～） 由仁川機場（Incheon International Airport）出首爾市區有 3 個選擇： KTA Airport Railroad （即機場鐵路） 機場巴士 的士 三者中，KTA Subway 最便宜。以 J 去弘大區為例，搭KTA 只需約 5,000 won （約HKD ＄35)。但如果搭機場巴士就要約 10,000 won，貴整整一倍。 要搭KTA 非常容易，只需沿著指示牌走去 5 號出口，就到KTA 入口。那裡有幾間快餐店，肚餓的旅客可以先醫醫肚再搭車：D 仁川機場指示牌的交通指示非常清晰，跟住行就一定冇錯～ 搭KTA 的話，J 建議買張 T Money （即香港的八達通）。舊版的八達通是 non－refundable的，即是不能拿卡去退回買卡的錢。但現在為了方便遊客，KTA 站的售票機已有可退還的 T Money 售賣，非常方便。 買完 T Money 後記得入錢～ J 建議第一次可入 20,000 won，因為在韓國搭地鐵一程約 1250 won，20,000 won 絕對夠你在首爾玩上 4、5 天。 Airport Railroad 主要的搭客都是外國旅客，所以到站廣播除了韓文外，還有英文、日文、普通話，還有很清晰的發光指示版，唔使驚唔識落車！ 驚落錯車？咁就一定要睇發光指示板～ 由仁川機場到弘大站的車程約 1 小時，大家不妨喺這段時間觀察韓國人乘搭地鐵的習慣。你會見到韓國人和香港人一樣，一入到車廂就做低頭族。但細心啲睇，你會發現大部分的韓國人都正在用手機看電視！！因為韓國列車車廂都有 WI-FI，而韓國的電話SIM card （只要你電話有開Wi-Fi 連線）都會直接連去電訊供應商的Wi-Fi，所以即使用電話睇電視和電影都不怕被食 data，而且播放非常流暢，難怪人人都甘願做車廂低頭族！ 人人低頭煲劇中 －.－ 韓國的鐵路系統十分十分極之極之複雜！！！！！！！想知道點樣轉車最快？韓國人教路要安裝一個叫 「 smarter subway」的 app （韓國人都係用佢乍）～ 不過缺點是此 app 只支援韓文，唔識閱讀同打韓文的朋友好似有啲得物無所用 :-| ⋯⋯ 當你唔識轉車時，J 建議你可以問下韓國人叫佢地幫手搜尋最快的轉車路線。韓國人雖然唔能夠用流暢的英文或普通話回答你，但一定會盡力幫你 search。咁你就可以用電話影低 smarter subway 顯示的轉車路線，開心愉快咁遊首爾啦：D
