常言道“養兒一百歲長憂九十九” 但我覺得由計劃有嗰一刻開始 就已經開始擔心 啱啱開始冇用任何避孕措施時候，月經遲咗一兩日都好緊張用驗孕棒 試咗一兩個月都未有， 每次望倒驗孕棒嗰條線都會有啲失望， 老公仲要每次一嚟m見到啲血嘅時候呢就話"oh,冇咗bb啦" 雖然佢冇心,但我聽落去呢就有少少傷心㗎(╥╯^╰╥) 終於見到檢孕棒有加號嘅時候就即刻仆倒去睇醫生，但當時可能我太早睇醫生，醫生就算用陰超都見唔到有胚胎(ㄒoㄒ) ，其中一個原因呢，係可能宮外孕 上網再睇下乜嘢係宮外孕，發現呢原來宮外孕係即使你真係成功受精，但係呢bb生存落去嘅機會率都非常之低... 而且胚胎越大對孕婦生命就越危險， 當時都冇辦法呀，只可以等抽血檢驗係咪真係懷孕啦，跟住然之後再等一個星期做檢查確認究竟可唔可以睇到胚胎... 懷孕非常非常之初期已經係由擔心開始起步(ㄒoㄒ) 不過最後好彩胚胎係正常子宮著床，有心跳， 第一次透過陰超睇到呢一粒豆，個感覺好奇妙(✪ω✪) 我要準備做人哋媽咪啦！！！(/≧▽≦)/~┴┴ 所以我奉勸各位準媽媽， 你哋m期遲一兩個星期，都唔使急住佢睇醫生㗎，可能等三個星期嘅時候，胚胎比較明顯先至去照陰超或者超聲波，咁樣你哋就可能會少咗我懷孕嘅第一個擔心點
