講左咁耐，終於有時間的起心肝打返篇我應承左打好耐嘅post, 就係自製去印面膜做法，唔知之前有無人跟住我講嘅方法去做之後D皮膚有好到呢? 如果有，記得留言話我知，幫到你地我真係好開心嫁！:D 好喇，唔講咁多廢話，即刻開始教你地點整呢D面膜啦。 今日想同大家講兩個MASK，因為我自己用得最多就係呢兩個去印MASK，而且真係非常有效，大家不妨一試。 第一個，材料好簡單，你只係需要檸檬同蜜糖。 呢個面膜除左可以去印，仲可以保濕同減少暗瘡發炎嘅問題。 首先你需要兩茶匙嘅蜜糖，同半茶匙至一茶匙嘅檸檬，檸檬嘅份量因應你皮膚敏感到去決定，比較敏感嘅皮膚我會建議用半茶匙先。 做法好簡單，你只需面將兩樣野混埋搽上面，等20-30分鐘，然後用溫水洗左去就得嫁喇， 第二個面膜需要嘅材料只係Baking soda. Baking soda對皮膚嘅好處非常多，包括可以吸走皮膚裡面嘅污糟野，死左嘅皮膚細胞同塞住毛孔嘅油份，仲可以平衡返皮膚嘅PH值，同埋促進皮膚collagen增生，令新皮膚生長速度快D，從而達到我地今日最想要嘅效果，即係去印！ 做法係首先將兩湯匙嘅baking soda加一湯匙嘅水，混埋, 搽上你有需要去印嘅地方，用手輕力按摩2-3分鐘，然後等5-10分鐘乾左之後用溫水洗乾淨。每星期用兩次。如果想滋潤D，可以加一湯匙蜜糖或者有機椰子油，City Super就可以買到，椰子油仲可以用黎做落妝油，比好多大牌子落得更加乾淨，而且更加天然。 呢個MASK除左可以搽上面去印，亦都可以用黎刷牙，有美白牙齒功效嫁。 今日分享嘅MASK係咁多吃，不過唔好走住，記唔記得我之前講過我一路用緊Cetaphil嘅洗面，覺得好溫和好好用，但係近排發現左一枝比cetaphil更加好用嘅洗面，同樣係皮膚科醫生推薦，無香料，絕對溫和，用完真係覺得塊面即刻滑左，就係Aquanil嘅cleanser, 我知大家之前可能已經聽我講買左cetaphil，又唔想未用晒買多枝，所以我決定整個giveaway, 私人送兩枝俾你地，只要你有Follow同subscribe我呢個Blog，然後留言話我知點解鍾意睇我個blog，兩星期後我就會隨機抽兩個幸運兒嫁喇。 ＊產品係我自己覺得好用同大家分享，giveaway亦都係用我私人錢去送的，並無得到任何贊助。 今日分享係咁多喇，多謝你地咁有心機睇到呢到，記得留言俾我喇，下次再見啦！:D 之前應承左post返我用緊支honey嘅相，一路都唔記得，所以而家post返。 我發現原來一路都係我誤導左大家，我以為蜜糖上面有寫raw honey，原來係寫100% natural, 所以去到搵唔到嘅人，真係非常唔好意思！:( 但係放心，呢樽蜜糖係raw honey黎，大家可以放心用。
